Kum 2015 chhungin Aizawlah Lirthei dan bawhchhia 17,726 man
Aizawl traffic police chhinchhiah danin, kum 2015 chhung khan Aizawl leh a chhehvela traffic dan bawhchhia lirthei 17,726 an man a, chu'ng mite sum chawi tling khawm chu Rs. 39,54,551 a ni.
Traffic hotute sawi danin, kum 2015 chhunga lirthei, dan bawhchhia an man zingah two wheeler a tam ber a, 10,594 a ni. LMV 3,479, taxi 2,622, HMV 941 leh bus 90 an man bawk. August thlaah man tam berin, 6,581 an man.
Lirthei dan bawhchhia an man zingah hùn phal lohna hmuna húng an tam ber a; driving licence nei loa khalh mi 1,658, signal pawisak loh vanga man mi 937, zu nam chunga khalh vanga man mi 817, registration number ziah dan dik lo leh mumal lo vangin mi 709 an man a ni.
No entry bawhchhiat vanga man mi 662, wrong side-a tlan mi 455, helmet khum loa khalh mi 167, hlauhawm taka khalh mi 201, inher phal lohna hmuna inher mi 400, din phal lohna hmuna ding mi 318, lirthei khalh chunga phone hmang mi 124, phurh phal chin aia tam phur mi 36, mei zu chunga khalh mi 61 leh thil dang vanga man mi 882 an awm bawk.