Naupang pawngsual tumtu man

H Vanlalhruaia, Thing­dawl khua chu hmeichhe naupang kum 13 mi pawngsual tuma puh a nih avangin Kolasib police-te'n an man.

Thu dawn danin, January 9, 2016 tlai khan H Vanlalhruaia hian hmeichhe naupang pakhat chu thil leisak turin a thlêm a, a hnuah pawt luiin pawngsual a tum zui a ni.

Hmeichhe naupang hian a theih ang angin a bei lêt a ni. Vanlalhruaia chuan hmun dangah pawh sawn tum mah se, hmeichhe naupang chu a
ṭang tlat a, an thâwm hriain mi dangte'n hmeichhe naupang chu an chhan chhuak a ni.

Vanlalhruaia hi Kolasib District Jail-ah dah luh a ni a, Protection of Children from Sexual Offences (POCSO) Act hmanga thubuai siamsak a ni.