Kangmei vangin mi 5 thi

Fire & Emergency Services department chhinchhiah danin kum 2015 chhung khan Mi­zoramah kangmei avanga nunna chán mi panga an awm a, bungrua Rs. 1,23,58,960 hu a kang chhia.

Kum 2009 atanga nikum December 31 thleng khan kangmei avangin nunna chán mi 45 an awm a, nikum kha kum 2009 aṭanga kangmei chhuah tlem ber kum a ni. Kum 2015 hian in kang 41 leh ram kang 126 a awm a, kangmei vanga nunna chán mi panga leh hliam paruk an awm.