India leh Bangladesh sipaite inkâwm

India sipai, Border Security Force (BSF) leh Bangladesh sipai, Border Guard Bang^-ladesh (BGB) hotute chuan, ni-min khan Tlabung bul, Demagiri-a BSF hmunah Sector Commander Level Border Coordination Meeting an nei.

BSF-te chu Aizawla BSF sector commander Brig. UPS Pathania-in a ho a; BSF battalion hrang hrang - 99, 148, 166 leh 181-a commandant-te leh officer dangte an tel. BGB lam chu Rangamati Sector commander Soukat Osman-a'n a ho a; BGB battalion hrang hrang - 19, 22, 25, 37 leh 53-a com-manding officer-te an tel a ni.

Meeting-ah hian ramri bul hnaia cheng mipuite leh ramri vengtu sipai duty-te'n inkungkaihna ṭha zawk an neih theih dan tur te, dan loa ramri kân leh lut rûte ven an tur te, ramria insumdawn tawnna chungchang te, ruihhlo tawlhruk vên dan turte leh thil pawimawh dangte an sawiho a ni.

Sipai hotute hi Tlabung YMA-in Cheraw entirin, YCA-in Chakma hnam lâm an entir a, Young Pahari Association, Tlabungin Bihu lâm an entir bawk.