Forensic Science Laboratory-ah thubuai 6,386 endik a ni tawh

Mizoram Forensic Science Laboratory (FSL)-ah kum 2000 aṭanga November 2015 thleng khan thubuai 6,386-ah thil chi hrang hrang 69,487 an endik tawh.

Thu dawn danin, FSL-in thubuai an khawihah hian thubuai pakhatah thil chi hrang hrang endik ngai a awm ṭhin. Kum 2015 chhung bik khan FSL hian thubuai 970-ah thil chi hrang hrang 5,001 an endik a, chuta ṭang chuan an endik result 538 chu Court-ah an thehlut. Nikum chhung vek khan FSL hnathawkte chu thil thlenna hmun 98 endik ngaite endik turin an kal a ni.

Kum 2000-2015 chhunga FSL-in thubuai an khawih hnem ber ṭum chu 2014-ah niin, thubuai 1,154 an khawih a; hemi kum vek hian an thil endik tam ber kum a ni bawk a, thil chi hrang hrang 18,614 an endik a ni.

An thil endik result hi FSL hian a ṭul angin Court-ah an thehlut ṭhin a, an thehluh tam ber ṭum kum 2015 ah chuan November thla thleng khan 538 an thehlut tawh. Hetihlai hian FSL hian finger print pawh an la ṭhin a, finger print hi 4468 an la tawh a ni.

FSL-in thubuai an khawih dan

Kum Thubuai Endik zat Thil thlenna Court-a hmuna thehluh kal zat

2000 18 24 0 Nil

2001 69 287 9 Nil

2002 109 168 18 1

2003 180 217 8 Nil

2004 180 1,108 24 3

2005 239 3,705 33 5

2006 223 7,253 58 26

2007 272 6,253 73 29

2008 145 918 69 48

2009 236 5,094 100 54

2010 361 5,976 192 24

2011 339 3,706 111 53

2012 739 5,153 102 110

2013 1,152 6,010 121 307

2014 1,154 18,614 121 383

2015 970 5,001 98 538