Champhaiah ICDP chungchang zirho

Cooperation department-a assistant registrar buatsaihin, nimin khan Champhaia IPR auditorium-ah Integrated Co-operative Development Project (ICDP) chungchangah awareness campaign neih a ni.

Campaign hi ICDP project officer Zaliankhuma'n kaihruaiin, ICDP development officer K Lalduhawma chuan he scheme-in a tum ber chu co-operatives society-te bulṭanna leh tihhmasawn a nih thu sawiin, "Cooperative society tihhmasawnna turin kum li chhung atan he scheme hi kalpui a ni ang," a ti.

Campaign-a tarlan danin, ICDP hi Central scheme pakhat a ni a, sum hmuh zinga 20% chu Ministry of Agriculture & Cooperation aṭangin subsidy-a lo kal niin, 80% chu National Cooperative Development Corporation aṭangin loan anga hmuh a ni.

Loan hi state sorkarin 30%-in a do lêt ve a, share capital-in a kal. Second phase-ah Mizoramin cheng vaibelchhe 44 a dawng a, Mizoram district parukah ICDP hi hman niin, Champhai district-ah cheng nuai 590 pek a ni a, chu chu i society 90-in an dawng dawn a ni. Tunah hian nuai 123.7 chu Champhai tan pek tawh a ni a, January 8, 2016 khan society-ah sem ṭan nghal niin, nimin khan cheng nuai 11 sem leh a ni.

ICDP scheme vil zui tur hian District Level Coordination Committee din a ni a, DC chu chairman niin, Cooperation-a assistant registrar chu member secretary a ni. Mem-ber-ah a kaihhnawih department tina mite ruat an ni.