2015 chhungin ruahtui mm. 2,412.3 a tla

Directorate of Science & Technology hnuai-a State Meteorological Centre-in an chhinchhiah danin, kum 2015 chhung khan Mizoramah ruahtui milimetre 2,412.3 a tla.

Kum 2015 chhung khan Mizoram chuan August-ah ruahtui a dawng tam ber a, August thla chhung hian ruahtui mm. 486 a tla a, February thla tih loh thla tinin rua-htui tla a awm ziah a ni. Ruahtui hi January-ah mm. 8, March-ah mm. 40.8, April-ah mm. 241.8, May-ah mm. 189.8, June-ah mm. 429.1, July-ah mm. 418.2, August-ah mm. 486, September-ah mm. 356.1, October-ah mm. 233.4, November-ah mm. 3.7 leh December-ah mm. 5.4 te a tla a ni.

Chhinchhiahna aṭanga a lan danin, ni khata ruahtui tlak tam ber ni chu September 15, 2015 a ni a, hemi ni hian mm. 121 a tla a ni.

State Meteorological Centre chhinchhiah dan-in, nikum chhung khan chawhrualin December-ah khua a vâwt ber a, March thlaah khua a lum ber thung. December thlaa khaw vawh lam chawhrual chu celcius degree 8.05 a ni a, January-ah 8.44 leh February-ah 9.4 ten an dawt.

Chawhruala khaw lum ber thla, March-ah celcius degree 28.40 a tling a, May thlaa khaw lum lam chawhrual chu degree 27.64 a ni a, June thlaa khaw lum lam chawhrual degree 27.36-in a dawt leh a ni.

February 1 chu khaw vawh ber ní a ni a, hemi ni hian cencius degree 5 a ni a; khaw lum ber ni chu April 14 niin, hemi nia khaw lum lam chu celcius degree 34.1 a ni.