MSU-in PwD Commissioner bân theih nan hmalak tum

Mizo Students’ Union (MSU) gen.hqrs. chuan, Mizoram sorkarin pension tawh hnua a vawi hnihna atana a chhawr nawn leh mek, Persons with Disabilities (PwD) commissioner B Sairengpuii a bàn theih nan engkim huama hmalak an tum.

Nimina MSU pisa, Mizo Zirlaite Rûn hawnna inkhawmah MSU president PC Lalrinhlua chuan, MSU-in sorkar a do ngawr ngawr lo a, zirlaite leh ram leh hnam tana ding an nih ang-in zirlaite leh ram leh hnam
ṭhatna tur an ngaihtuah tih a sawi a, "Sorkar hnathawk pension tawh kum tam tak chawr zui hi ṭhalaite tan a
ṭha lo a, thiamna bik nei lo PwD comissioner Pi B Sairengpuii sorkarin a chhawr nawn leh mek sorkarin a sût leh hma chuan na taka dodalna lantirin kan tum a ni," a ti.