Republic Day hman dan tur rel

13th January, 2016

Nimin khan Aizawl, Lunglei leh Lawngtlaiah kumin January 26-a Republic Day hman dan tur sawiho a ni.

Aizawlah chu DC Dr Franklin Laltinkhuma hoin a pisaah sawiho a ni a; ruahmanna an siam dan chuan, Republic Day hi zing dar 9-ah Lammualah hman a ni ang a, Governor Lt.Gen. Nirbhay Sharma khuallian a ni ang.

Lungleiah chuan addl. DC Roṭhuama hoin DC conference hall-ah Republic Day hman dan tur rel a ni a, zing dar 10-ah Ṭhuamluaia Muala hman tura rel a ni. Parade contingent - Armed contingent pathum, unarmed contingent panga, school contingent 16 leh band party pahnih an awm ang.

Republic Day hman dan tur hi Lawngtlaiah chuan DC J Hmingthanmawia hoin DC conference hall-ah sawiho a ni a, Lawngtlai Vengpui khelmualah hman a ni ang. Zing ni chhuah rual-in sorkar building-ahte hnam puanzar zâr a ni ang a, dar 10:30-ah a lawmna pui ber hman ṭan tur a ni.