Minister-in a bial chhung hmasawnna hnathawhte a enfiah

Minister C Ngunlianchunga chuan, Thawhṭanni khan a bial chhung khaw ṭhenkhata hmasawnna hnathawh mekte tlawhin, hnathawh dan a enfiah.

C Ngunlianchunga chuan Kawrthindeng bula Chhimtuipui balu lakna tur kawng BADP sum cheng nuai 55 hmanga laih mek tlawhin, hnathawktute chuan January thla chhunga thawh zawh hman an in beisei thu an lo hrilh. He kawng hi kms 7 a thui tur niin Kawrthindeng khua aṭanga
Chhimtuipui panna tur a ni. Kawnrthindeng khuaa MP leh MLA Fund cheng nuai li senga laih tur play--
ground a en nghal bawk.

Hmarluang atanga Hlimzawl medium truck road laih mek chu pawh Minister hian a tlawh. He kawng laih mek hi BRGF sum cheng nuai 30 hmanga thawh mek a ni. Hlimzawl khua ah hian motor a la lut ngai loa, he kawng laih zawh anih chuan motor pawh a lut ve thei tawh dawn a ni. Nghalimlui khaw Tuilakna leh Khelmual laih tur pawh minister hian a tlawh ngha.

C Ngunlianchunga chuan sorkar hmalakna zarah hmasawnna hmel duhawm tak tak hmuh tur a awm zel tih sawiin, "Heng kan hnathawh mekte kan phak tawka a tha thei ang ber zela kan thawh loh chuan hun reiloteah harsatna dang min siam theitu an ni. Chuvang chuan thawktute chu inpe tak leh taima taka thawk turin ka ngen che u a ni," tiin hnathawktute a fuih.