Mizorama ukilte hmang turin CBI hnenah thuràwn pek a ni

Aizawl District & Session Court-a special judge (Prevention of Corruption Act) Vanlalenmawia chuan Central Bureau of Investigation (CBI) hnenah, Mizo­rama thubuai chhui tur an neihin an thubuai khawih turin Mizorama ukil, Aizawl­a awm ngei thubuai khawih leh buaipui tura public prosecutor atana ruat tur­in thuràwn a pe.

Special Court (PC Act)-a ukil ding ṭhinte hnen aṭanga thu dawn dan­in, Special Court, Aizawl­ah tun dinhmunah CBI-in eiruk thubuai an thehluh 10 a awm mek. Chu'ng thubuaite buaipui tur hian Mizoram páwn aṭangin public prosecutor an rawn kal ṭhin a, chuvang chuan thubuai kal chakpui a harsat phah a ni.

Gauhati High Court-in July 31, 2020-a notification a tihchhuah angin, Mizorama court zawng zawngte a pangngaiin an kal tawh a, mahse, CBI ukilte an lan loh avang­in CBI-in thubuai an thehluhte chu ngaihtuah theih a ni lo. Chuvang chuan, Special Judge chuan August 10, Thawhṭannia CBI hnenah Mizoram ukil, Aizawla awm ngei public prosecutor atan ruat turin thurâwn a pe a ni.