KRISMAS BAZAR: Krismas atana inbuatsaihnain a vàwrtàwp a thleng chho mek. Covid-19 léng avangin kuminah Krismas lawm theih a ni dawn lo a, inkhawm leh ruaithehte a awm dawn lo. Kum dang aiin Aizawl bazar tâwt lo zawk mah se, niminah mi chhuakvâk an tam a, Bazarpui lamah chuan kal zung zung harsa khawpa mihring tâwtna laite a awm a ni. (Dt: 23rd December, 2020)

Mizo nunah Krismas leh chhangban a inhmeh hle. Tun hma leh tunlai thleng pawhin hmun tam takah chuan urlâwk zanah chhangban kangin chhungkua leh thian hote'n thil an tikhawm thin. Krismas ní-ah inkhawm thingpui hmeh atan hman a ni fo bawk. (Thlalak: Rengdil khuaah rahbûk sum hmangin chhang an déng)

Covid-19 vangin Krismasah inkhawm a awm lo. Thla la tur leh ṭawngṭai turtein Biak In tlawh erawh veng hrang hrangah an awm. Republic Vengah Biak In tlawhte in turin thingpui an chhawp.

Tlawng lui, Reiek kaiah chuan thalai leh naupangte'n hunawl hnawhkhah nan tui an Cheng a, lui kamah eitur siamin an in tihlim thin

Krismas leh kum thar vuakvêtah Piler tlânga léng khawthawng an ṭhahnem ṭhin hle. Pilêr khua hi Serchhip district-a East Lungdar RD Block chhunga awm a ni.

Reiek tlang tlawh phal lo: Reiek Village Task Force chuan nimin khan thuchhuah siamin, Reiek tlang leh Ngaitlang te chu mikhual tan tlawh phal a la ni lo tih an tarlang a, "Tlawh lui man an nih chuan mi pakhatin Rs. 200 zel an cháwi ang," an ti. Maubawkah Covid-19 vei mek an awm nual avangin Reiek aṭanga Aizawla kal turte chu Maubawk huam chhungah chàwl khawmuang lo turin an hriattir a; Aizawl aṭanga Reieka haw turte pawh Maubawka motor châng mai loin, maxi cab counter-ah châng turin an chah bawk.

Kumin kum tir lamah Champhai hmun ṭhenkhatah vur a tla ṭhin

Naupang tualchâi

Phunchawng pár, Bungzung