Aw nula hmelṭha!
Ka ha hawlh zawng tak mai thuziak ka hmu fuh hlauh mai a, ka han tuihneh ve dawn ang a, ṭawng-kam thiam lovah tu pawi kan sawi em lo ang chu maw. Ka ziah chhan chu Mizo nula rilru thianghlimte chhan tumna vang a ni.
Kan ṭhianpa pakhat chuan, "Tun hma khan scooter khan nula a phurh chhuah theih a, chumi hnuah bike lo chuan a harsa a, car lo chuan nula phurh chhuah theih a ni tawh loa an ti leh a. Tunah chuan DSLR camera neih ṭhata editing thiam tan nula hmelṭha leh pian nalh hruai chhuah hi a harsa lo a ni," a ti leh a, a dik a nih ka rinna chu mi titi ka hriat zui leh aṭangin a ni.
Sap ramah chuan professional pho-tographer-in profe-ssional mpdel-te thla an la a, pawisa tam tham tak an hlawh a, chu chu hmun hrang hrangah kan hmu a, an eizawnna a ni. Mizoramah hian profession-a hmang photographer eng emaw zat an awm tawh tho chungin a camera nei lian nazawng hian nula ria sang ve deuh hi an chhuahpui a, an thla an lak sak a. Chhing fe fe hian an inthuam a, Facebook vela an bel hi an hlawh a ni mai a, a hlawh tam deuh chu likers leh comment-tu ngah hi an ni mai awmin ka hria.
Nula hmelṭha leh pian nalh chu thup bo mai mai an uiawm a, han tlangzarh a, midangte hmuha an thlalak tar chhuah hi chu 100% support ka pe chungin midangte nun hi kan tichhe palh ang tih hlauhna hian kei mi dawihzep hi ka lo khat leh hmanhmawh tawh a. Lar emaw inti hlawh nei si lo, thiamna nei si loa hmel common ve em em mai, incheina leh a chhe lam thil danga sang tak nula hmelṭha hi kan siam chhuak ang tih hlauhna hian ka lo khat over liam ve vel a nih chu mawle!
Nu leh pa hian mahni fanute hi veng ila, kan fanute thlalak duh dan leh inchei duh dan te en hian "Ven an ngai tawh a nih hi," tiin rilru siam vat tur. Zan lama 'shooting' chhuanlama an haw tlai phei chuan ngaih tih ṭhat loh vat machang hriat hi a finthlak a, rinhlelh lam thil ni lovin 'fimkhur' a ngai tih hriat kar tur a ni - hei hi free advice a ni.
Nula hmelṭha, pian nalh, chhe lo, pasal ṭha tak la nei thei turte hi khawi lai ruamah emaw hian dinhmun chhe deuhah an lo tawlhthlu palh ang tih ka hlau a, tlangval rual titi ka hriat hian hman deuha 'Mal Man Nei Lo' tih an ziah tawh kha a dikzia ka hre thawi thuak thuak a, a ṭul chuan ka la ziak leh mai thei. Facebook ni se heng 'FB Model' rual hi ka tag chak khawp mai....
- Remrema
(Number Thup!)