STAFF SELECTION COMMISSION EXAMINATION (PART-I)
Union Public Service Commision exam leh State chhung exam kan buaipui luatah ṭhalaiten Staff Selection Commision exam kan hmelhriat tam loh phah lek lek a, sikul leh college velah inhriattirna a ṭhat miau loh avangin higher/college zir chhuak tir tan hmelhriat ngaihna a awm lo a. Ṭhalaiten kan hmelhriat tak tak chuan kan tlai lek lek tawh ṭhin a, kum 2/1 lek chance nei tawh hnua theihtawp chhuah leh chu awmzia a nei mawh duh tawh khawp mai. Chuvangin, hetiang lam hi kan inhrilh tam a ngai a, theihtawp kan chhuah a ngai a ni.
Kan ṭhalai ṭhenkhat tan SSC exam chu thil thar a nih laiin, ṭhenawm state leh India ram hmun hrang hranga ṭhalaite chuan kum tin nuai 10 chuangin an dil ṭhin a. Chutiang kara tlazep tur chuan rilru nei taka kan hmachhawn thiam a ngai dawn a. Chumi atana pawimawh hmasa ber chu a kalphung hriatchian a ni.
SSC CHU ENG NGE A NIH?
Staff Selection Commission (SSC) hi kum 1975-a din kha niin, India ram hmun hrang hranga ministry leh department hrang hrang hnuaia Group B, C leh D-a thawk tur latu organization pakhat a ni a. Pawl 10 aṭanga Bachelor graduate inkar thiamna neite dil theih tur hnaruak sing têl an ti chhuak ṭhin a, chumi hnawh khat turin kum tin ṭhalai nuai 10 aṭanga 35 inkar velin dilna an thehlût ṭhin a ni.
SSC HNUAIA HNA DIL THEIH HRANG HRANG
SSC hnuaiah hian kum tin hna dil theih hrang hrang a awm nual a, chu'ngte chu a hnuaia kan tarlan ang hian;
1. Combined Graduate Level
2. Combined Higher Secondary Level
3. General Duty
4. Junior Hindi Translator
5. Stenographer
6. Junior Engineer
7. Multi Tasking Staff
8. Selection Post
1. COMBINED GRADUATE LEVEL EXAMINATION
Combined Graduate Level (CGL) bikah hian kum tin hnaruak sang chuang a awm ṭhin a, tunhnaia hnaruak awm dan tarlang ve hrim hrim ila;
i) 2019 : 8428
ii) 2020 : 7108
iii) 2021-22 : 7621
iv) 2022-23 : 36,001
v) 2023-24 : 8440 (tentative)
Heng hnaruakte hnawh khat tur hian kum tin ṭhalai nuai chuangin dilna an thehlût ṭhin a, kum khata diltu ringawt pawh nuai 10 an chuang ṭhin a ni.
Combined Graduate Level hnuaia post hrang hrangte tarlang ila;
1. Assistant Audit Officer/Assistant Accounts officer
2. Assistant Section Officer
3. Income Tax Inspector Excise Inspector
4. Preventive Officer
5. Examiner
6. Asst. Enforcement Officer
7. Inspector of Posts
8. Inspector in Narcotics
9. Assistant/Superintendent
10. Sub Inspector
11. Divisional Accountant
12. Assistant Ministry hrang hrangah.
13. Junior Statistical Officer
14. Tax Assistant in CBEC
15. Tax Assistant in CBDT
16. Auditor in CAG/CGDA/ministry hrang hrangah.
17. Sub Inspector in Narcotics
Heng hnate thawk tur hian India rama department leh ministry hrang hrang 40 aṭanga 60 velah an post kual ṭhin a ni.
* THIAMNA NGAI : Bachelor Graduate hrim hrim tan a dil theih.
Junior Statistical Officer (JSO) tan Class 12 ah Mathematics la, 60% tal hmu tling emaw Bachelor level-a Statistics subject lâk tel a ngai thung.
* KUM BITHLIAH : Kum 18 aṭanga 32 inkar, ST tan kum 5 ngaihhnathiamna a awm ang.
SSC CGL hnuaia post ṭhenkhatah physical test nei a ngaihna a awm ṭhin a, chungte chu Excise Inspector/Examiner/Preventive Officer/Inspector leh Sub-Inspector ah te hian an ni.
i) Mipa
* San zawng : 157.5 cms (5 cms ngaihhnathiamna a awm).
* Walking : 1.6 km (15 minutes)
* Cycling : 8 km (8 minutes)
ii) Hmeichhia
* San zawng : 152 cms (2.5 cms ngaihnathiamna a awm).
* Walking : 1 km (20 minutes)
* Cycling : 3 km (25 minutes).
TIER-I SYLLABUS
1. General Intelligence & Reasoning
* No.of questions : 25
* Maximum marks : 50
2. General Awareness
* No.of questions : 25
* Maximum marks : 50
3. Quantitative Aptitude
* No.of questions : 25
* Maximum marks : 50
4. English Comprehension
* No.of questions : 25
* Maximum marks : 50
TIER-II SYLLABUS
1. Paper-I
i) Session-I
* Section-I
Module-I : Mathematics
Module-II : Reasoning and General Intelligence
* Section-II
Module-I : English Language and Comprehension
Module-I : General Awareness
* Section-III
Module-I : Computer Knowledge Module.
ii) Session-II
* Section-III
Module-II : Data Entry Special Test Module.
2. Paper-II : Statistics
3. Paper-III : General Studies (Finance and Economics).
* Paper-II bik hi Junior Statistics Officer (JSO) tan chauh a ni ang.
* Paper-III bik hi chu Assistant Audit Officer/Assistant Accounts Officer tan chauh a ni ang.
Mizo ṭhalaite pawh kan harh chho mêk a, tunhnaia kan result pawhin hma a sawn chho mek a, hmasawnna tur erawh kan la ngah viau. Exam zingah tlin tumna nena bei tak tak kan la tlem a, exam hmasa berah lang hluai ṭhin mah ila, final result a rawn chhuah meuh chuan kan NIL leh mai ṭhin. Chuvangin, ṭan kan lâk nasat a, kan chak tâwk lohna lai kan insiamrem thiam a pawimawh.
Aizawl centre bikah kum 2021 aṭanga kan result tarlang ve hrim hrim ila;
1. 2021
* Tier-I tling : 61
* Tier-II tling : 01
2. 2022
* Tier-I tling : 158
* Tier-II tling : 04
3. 2023
* Tier-I tling : 79
* Tier-II (la exam loh).
2. COMBINED HIGHER SECONDARY LEVEL EXAMINATION
Combined Higher Secondary Level exam hnuaiah hian kum tin hnaruak sang chuang a awm ṭhin a ni. Tunhnaia hnaruak awm dan tarlang hmasa ila;
2022 : 3242+
2021 : 6013+
2020 : 4791+
Heng post ruak tam tak hnawh khat tur hian India ram hmun hrang hranga ṭhalai nuai chuangin kum tin dilna an thehlût ṭhin a, kum khat chhunga diltu ringawt pawh an ṭhahnem ṭhin viau a, kum 2022-ah phei chuan nuai 32 chuang an ni hem mai. Mahse, hei hi hnual phahna tur erawh a ni lo, form fillup zawng zawng hi an exam vek lo tih hria ila.
Combined Higher Secondary Level hnuaia post hrang hrang dil theih te tarlang ila;
1. Data Entry Operator
2. Junior Secretariat Assistant
3. Postal Assistant (PA)
4. Sorting Assistant (SA)
5. Data Entry Operator
6. Data Entry Operator Grade 'A'
Heng hna hrang hrang thawk tur hian ministry leh department hrang hrangah an sem kual leh ṭhin a, chutiang department/ministry awmna state ah te an post kual ṭhin a ni.
* THIAMNA NGAI : Pawl 12 pass hrim hrim tan a dil theih ang.
DEO, Comptroller and Auditor General of India (C&AG) tan pawl 12 mai bakah mathematics zir tel tan.
* KUM BITHLIAH : Kum 18 aṭanga 27 inkar tan a dil theih. ST tan kum 5 ngaihhnathiamna a awm ang.
1. English Language (Basic Knowledge)
* No.of question : 25
* Maximum marks : 50
2. General Intelligence
* No.of question : 25
* Maximum marks : 50
3. Quantitative Aptitude (Basic Arithmetic Skill)
* No.of question : 25
* Maximum marks : 50
4. General Awareness
* No.of question : 25
* Maximum marks : 50
TIER-II EXAMINATION
1. Session-I
i) Section-I
Module-I : Mathematical Abilities
Module-II : Reasoning and General Intelligence
ii) Section-II
Module-I : English Language and Comprehension
Module-II : General Awareness
iii) Section-III
Module-I : Computer Knowledge Module
2. SESSION-II
i) Section-III
Module-II : Skill Test/Typing Test Module.
* Skill Test hi DEO ṭan a ni dawn a.
* Typing Test erawh LDC/JSA ṭan a ni thung ang.
Exam dang ang thoin Combined Higher Secondary Level ah pawh kum têlin hmasawnna a hmuh theih a, kum tin exam kan tam belh zel bakah tling pawh kan tam belh zel a, chutihrualin hmasawnna tur erawh kan la ngah viau mai. Tier-I tling thei si, final result-a lang pha ta lo kan awm fo a, kan tihsual lai kan insiamrem a nih chuan tun aia hmasawn thei kan ni.
Kum 2020 aṭanga kan result hi thlirho chhin hrim hrim ila;
1. 2022
* Tier-I tling : 07
* Final tling : 01
2. 2021
* Tier-I tling : 09
* Final tling : Nil
3. 2020
* Tier-I tling : 01
* Final tling : Nil
Combined Graduate Level leh Combined Higher Secondary Level exam bikah chuan hma kan sawnzia chiang takin a hmuh theih a. Ṭhalaite pawn kan hmelhriat chho mêk a, tun aia nasa lehzual hian hmelhriat zual sauh thei ni ila duhthusam a ni.
~ Eleazer Tetea Hmar