PU DUHA HEKTU, RULING MLA 8 TE CHU...

Kan MNF MLA rual, Underground Vangvat la kai ve lote, Firt Timer MLA ho pawhin Overground Oversized Vangvat an kai dawn tlat mai le. 

Heng kan MLA duhawm tak tak 8 te hian eng vanga Pu Duha hi MLA a nihna aṭanga a tlak theihna (Disqualified) tura Anti Defection Law hmanga Mizoram Assembly Speaker hnena hék ta mai nge an nih tih ka ngaihtuah thuk poh leh ka mur ur ur thei zu nia. MNF emaw ZPM emaw tan pawha Ruling leh Ling loh effect pha tur ni hauh si lo.

Anti Defection Law hnuaiah hian MLA tu emaw hék thla turin Ruling Party MLA rual, Minister ni ve lo zawng 11 emaw 3 awm remchan loh avanga 8 tal hming ziaka hek kher tur tih a awm der bawk si lo. Tin, Anti Defection Law kan tih tak ber hi, Article 102(2) & 191(2) of the Constitution of India based a Schedule pakhat siam, the SCHEDULE TENTH an tih tak hi a ni a. Hei hi Act puitling a nih loh avangin he laia Provisions hote hi a chipchiar lo hle reng a. 

Hemi dan (Schedule) ah hian Speaker (or Chairman for Rajya Sabha) hian he dan hmanna tur chhan a hmuh chuan ama thuin action a la thei mai a. Nikum lamah pawh a huhova heng MLA 7-te chungchang pawh kan Speaker hian ama thuin a ṭhiat deuh dat tawh hlawm kha. Khami ṭum pawh khan tu emaw MLA emaw MLA rual hékna chu a nih loh hmel tho sia. 

Tun ṭum hian Ruling MLA 11 hote hian an hming sign vek tura beisei ve det an nih hmel a, sign biktu nih an hreh ve hlawm ngeiin ka va rinsak e aw. A hranpa taka Pu Duha lo tawngpawng haw zek zek tur Ruling MLA rual an ni mawlh lo. Minister ni pha chin MLA te lah chuan Minister tih atana rem ṭût lo tiin an nauteho hi an nawr thlu ta daih thungah ka ngaihsak hmiah. Minister nih avanga mahni MLA puite hek ve rem lohna a awm lo, Citizen of India tu pawhin Assembly Speaker hnenah Tenth Schedule hnuaiah hian a hek theih vek niin a lang zawk.

Engpawhnise heng kan MLA duhawm tak tak, Mizo Kristian tlangval fel tak takhote thiltih/ngaihtuah chhuah (game plan) bik ni lovin MNF hotu lawk (a bikin Party President cum CM) game plan a nih kan ring vek tho lo thei lova, ring ve thei tur khawp chuan Mizoram politics kan tui ve hlawm tlat a. 

He buaina a KAIKUANG ta ber nia lang chu kan CM-in lo phuahchawp (a hming leh sawi chhuah dan pawh) ve ngawih ngawih PEACE BONUS ve ber,  khatia  Pu Duha'n...chutiang Peace Bonus a awm lo, NLCPR sum aṭanga Project based-a sawichhuah satliah mai a ni e... kan Assembly-ah meuh a tih tak avang khan kan CM meuh pawhin Assembly House ah te pawh tui hal hmel lo pui chunga tui a lo in khalh khalh phah tak  bawk si avang te khan....ENGKIM DANG aiin DUHA HATAO project (remove MLA Duha project kha Mau Project te ai pawhin) a pawimawh Numero Uno ta thut a ni mai. (Kei lah pek pa ṭawng duh tih takah, kan CM PEACE Bonus lah kha ka lo chei PIECE BONUS zui ve zat bawk a. CMO office lam aṭang pawhin verbal memo chu ka dawn phah ve hlak kha...ha ha)

Heng kan First Timer MLA mi fel, bright tak tak, ram leh hnam hmangaih avanga Public Service (read Politics) ah lut tate pawh hian Party ṭawpsa lutuk an zawm tak tlat si avangin SIHAL rual zingah a chet BERAM NO bik reng theih si loh...a pawi vawng vawng dawn teh mang e. Engpawhnise, kan Mizoram Politics dinhmunah hian kan MLA-hote hian CM avanga MLA ve thei ṭawk nia an inhriat tlat avangin NGAIHDAN (in my humble opinion tih theih) neih hi a harsa ngang a ni ang chu. CM hi Ruling MLA te avanga CM a ni zawk reng sia...a ni lo'm ni? 

Serchhip bialah Bye Election te pawh chu thla 6 chhungin lo awm ta teh reng pawh ni se...Natural Cause (thihna emaw chhan dang Party inbeihna ṭawp tak vang ni lo)-a inthlan tur chu ni se... Ruling Party chan tur chiangsa kan ti vek ang a. Tun ang teh nuaih boruakah chuan MNF chan tur tih a chiang bik lo a ni a. A hma pawhin Serchhipah hian ZPM tam vang ni lovin amah Pu Duha huvang leh Party lian aṭanga TITAU vote avangin Serchhip biala tling ve rup tawh kha tun ṭumah pawh KHAWNGAIH VOTE in a tling nasa lehzual zawk lovang tih a sawi theih loh. 

Heti taka mipui lam vau (acts of intimidation), tricks chhe ber ber anmahni chungah pawh tumahin an hman duh loh ...tunah a ropui thei ang berin, inhnuaichhiah thei ang bera an han hmang ta rup rup duh maite leh chet nawi ve hrim hrim avangte pawhin ṭul lovah THA ZUNG an inseng nasa lutuk ang a... November/ December 2023 min nghah thlenpui zo lovang tih ka hlau mang e aw. Inngaihtuah harh leh thutin Pu Duha hekna hi withdraw leh dawn se, MNF tan nawi lehzualna a ni tho tawh dawn bawk si. Ṭul lo deuhvin MNF-ho hi Catch 22 situation-ah an indah mai mai zawk a ni. 

Now i see MNF is a dying horse kicking in every possible direction... MIZO KRISTIAN tak zelin maw le.