Ruling Party Worker Khawngaihthlak

Social Media kawng sira ka chhar, MNF party Ruling Party lama worker dinhmun a sawi hi ngaihtuah a ti thui. MNF worker zingah hian ngaihtuah chiana khawngaihthlak deuh deuh an awm a, MNF hi din chhuahna atana lo hual si, din chhuah chu sawi loh, SEDP Rs 25,000 dawng phak ṭawl eng zât tak ni maw?

Ka thu hmuh hi hetiang hian a inziak:-

Campaigner, Party Worker te beidawn tak takna dar a ri ṭepin a lang. An beisei angin sum a indaih lo a, a awm chhun lah chu din leh tum rualten thiam takin an Chalai a ṭul si a, a far fep fep pawh vang tak a ni ngei ang. Vui dur dur, kawngka inkhar tauh khum sawk sawk, Bialtu MLA leh Block hruaitu inkar boruak ṭha fahran lo hriat tur a awm zeuh zeuh ta bawk.

Social Media lamah mite hnê ngawih ngawih huama ṭang fat fat, lang tam em emte hi khawngaih tur an ni! Sorkar tirh aṭanga a nâk zen pha chin chu an reh ṭhiap tawh a, eizawnna/sumdawnna an khawih melh melh tawh. An nu ve but but hman tawh lo. Tun ang hun tep têr tawha mu leh mal pawh nei lo, ngaihtuahna fim pawh hmang lo tih hriata Social Media-a pâwt nileng reng maite hi chu, tun Term chhunga eng rûai ni tawh lo tura inthlan hmachhawn leh tura ngaih mai tawh chi an ni ang.

- K. Vanlalliana