SEDP man hi 2018 ah pek a ni tawh

MNF chuan SEDP dawng turte Unit membership fee an pek tir tih hi hmun hrang hrangah kan hre ṭheuh awm e. Chu chu sorkar sum hmanga political party tana campaign na a ni. MNF hian kum 2018 khan SEDP hi an zuar a, "Min vote chuan Nuai 3 kan sem ang" an ti tawh a, kan vote tawh avangin SEDP man hi 2018 inthlan khan kan pe fel tawh.

Sorkar pawisa ni si hi party pawisa angin an hmang duh a mi retheite retheihna chu an hmang ṭangkai a, Rs 25,000 in duh chuan rawn inziak lut rawn u an ti a, mahse MNF a inziah luh hi SEDP dawn leh dawn loh tehfung tur a ni lo, sorkar pawisa leh political party hi sawi zawm loh a ṭha.

Tunlai chu membership fee peka SEDP dawn an sawi chuan SEDP man hi tuna inziah luh hmanga pek tur a ni tawh lova, 2018 khan inthlan ah kan pe tawh. MNF kan vote tling tawh mipuiin, MNF tih tur chu mipuia SEDP pek a ni. Mipuia SEDP an pek dawna inziah luh ngai hi chu a fel lo. Hetiang hi vote zawnna tur a ni ngai lo. NLUP pawh kha heti hian an ti vak tawh a, an tlak pui tho tho a, SEDP pawh tlinna a ni lo ang, Nuai 3 an sem loh chuan an tlin phah lo ang.

- K. Romalsawma