AW KAMRUL!
September 23, 2023 khan Fake Account lar tak David Sailo chuan 'AW KAMRUL!' tih hi a ziak a, Fala Account mai mai tih theih pawh ni lovin chanchinbuah pawh a thu ziak hi an suan lut fo thoa ka rawn dah ang tiin ka lo ngaihtuah a, tlem tlem thuhmahruai kan ziak tel dawn a ni.
David Sailo hrim hrim hi a nuihzatthlakna chu Amah kan hre si lo, a profile picture ah lah hian khaw chhak lam hmel a lang daih a, he pa hi kan hmu David Sailo tawh laklawh a, amah hi hmu ila, hmel dang daih a pu awm si a! Assembly House-ah meuh pawh David Sailo hi sawi chhuah a ni tawh. Pu Rinliana khan a rawn sawi lauh lauh tawh bawka tuna lo sawi chhawn hi a pawi lo.
David Sailo hi kan ziah tum ni loin Kamrula hi kan ziah tum zawk a ni. Hnam dang a ni a, Kamrul Laskar tih kha Kamlova Chhangte a lo inti a, contract hna lian a thawk char char a. Pu Huna Kawlvawm a ni tain ka hria, tribal a nih loh vangin tribal certificate cancel turin a bei a, Mizoram sorkar chhan theih pawn lamah a bei ta si a, tribal certificate pawh an cancel ta a ni.
He pa hian hna a thiam bîk miah lo, a hna a chhe em em. Lengpui Airport phei chu a sâ chim. Mizorama hmun rem ber pakhat Airport kawt zawl duai maiah a hnathawh a chim. MNF sorkar chuan a hnu lawkah Class-II Contractor aṭangin Class I-ah a hlangkai a, sak chim lawmman a ni mai. He pa hian duhsakna uchuak a dawng a, Mizo mipui tan a tha natthlak a ni. Thil inti hre deuhte chuan Kamrula phenah hian mi dang a awm an ring! Kei pawhin ka ring.
Le, kum 2023 chu kan hmang ral ṭep tawh a, MLA kan thlang dawn a, MLA atan Kamrula duhsaktu nge kan thlan dawn; mi dang? Kamrula'n a duh zat zat hna a hmuh lehna tur sorkar kan la duh em le? Kamrula te ang an duh ang anga a tal theihna rama Mizo nih hi, a zahthlak avangin Kamrula contract petute hi chu hnawl ngam ang u.
David Sailo thu ziak 'AW KAMRUL!' chu hetiang hi a ni:-
VL.Thlamuanpuia chuan RTI hmangin kum 2020 aṭanga Kamrula hnathawh a dil chhuak a, hetiang hi a ni.
1. PWD: PROJECT DIVISION–III :
Hemi hnuaiah hian pahnih a thawk.
1) Improvement/Upgradation of Operation/Non-Operational Facilities of Lengpui airport.
(Sh: Elevated road with connected components of Terminal Building)
Amount : Rs. 19,59,00,000.00
2) Establishment of Sinlung Hills Council Administrative Complex, Mizoram.
(Sh: Construction of Sinlung Hills Council Administrative Building at Sakawrdai)
Amount: Rs. 3,33,48,350.00
2. NATIONAL HIGHWAY DIVISION–I :
Hemi hnuaiah hian pasarih a thawk.
1) Dismantling of existing RCC frame structure bridge.
Contract pek Ni (25-01-2021).
Amount: Rs. 2,95,000.00
2) Construction of work shed at Lengpui Airport.
Contract pek Ni (25-01-2021).
Amount: Rs. 4,97,200.00
3) Construction of box culvert for parallel drain and wing wall outlet of box culvert at Lengpui Airport.
Contract pek Ni (28-01-2021)
Amount: Rs. 2,35,75,600.00
4) Line Marking of runaway.
Contract pek Ni (01-02-2021).
Amount: Rs. 9,00,000.00
5) Construction of RCC box culvert on approach road to airport from aviation complex.
Contract pek Ni (03-02-2021).
Amount: Rs.9,71,400.00
6) Filling of earth at Lengpui Airport. Contract pek Ni (01-03-2021).
Amount: Rs. 9,49,300.00
7) Flood Damage Repair (Sh: Construction of R.wall at Ch.164.600 on NH-54 in the State of Mizoram).
Contract pek Ni (16-12-2022).
Amount: Rs. 16,32,600.00
3. PWD : BUILDING & OTHER DEPARTMENTS :
Hemi hnuaiah hian hna pahnih a thawk a, a hnthawh man zat chu Rs. 19,00,00,000.59 leh Rs.3,00,00,000.81 a ni.
4. ELECTRICAL DIVISION :
Hna pakhat a thawk.
Hna hming: Additional Estimate for SITC of MRV / VRF Centralized Air Conditioner Airport First Floor Departure Hall Mizoram.
Amount: Rs. 246,43,962
5. PWD KOLASIB DIVISION :
Hemi hnuaiah hian hna pahnih a thawk.
1) Design & Construction of T-Beam Bridge Package-1 Chhimluangte River at Chainage 0.450Kmp and Dumkhel River at Chainage 5.50Kmp.
Amount: Rs. 9,69,00,701.40
2) Construction of Meidum to Hortoki Road Phase-II (Km 9.100 to Km 26.000) (Sh: Earthwork and Permanent work from Km 17.500 to Km 21.725).
Package -III
Amount: Rs. 14,22,00,146.64
HNA THAWH TAWH MAN ZAT :
Heti hian kum 2020 aṭanga vawiin thlenga MNF Sorkar hnuaia Kamrul Islam Laskar hnathawh zawng zawng man zat chu Rs. 7,41,814,261.44 a ni.
Vaibelchhetak 7, Vaibelchhe 4, Maktaduai 1, Nuai 8, Sing 1, Sang 4, Za 2 Sawm 6 leh Pakhat leh .44 a ni. Hetah hian Chakhei–Siasi kawng a siamna, Rs.4,70,000,000.22 chhiar tel a ni lo maithei bawk.
HNA SEMTU :
Hnam Runa hna semtu hi Pu Vanlalzawma a nih thu Serchhip khawlaiah khan puan a ni tawh a, Pu Zawma hi CYMA President hial lo ni tawh- Mizo pa, Mizo duhsak ngawih ngawih tura ngaih a nih laiin VAI a lo sem hnem hle mai.
TLIPNA :
Mizo Nationalism keng nung tlattu, Mizo Hnam chawi nungtua inchhâl fo, MNF Sorkar hnuaia Vai Contractor, Kamrul Islam Laskar dinhmun chu hei hi a ni. "Kamrula pawhin a thawk ṭeuh a, Kamrula lo pawhin an thawk ṭeuh," tih thuah khan Mizoram Contractor zingah a nê ek pha kan hria em? Tluk leh Ding Âwn a thawk pha ṭep tawh chu a nih hi.
- Lallianmawia