(Chawngkhum dan tlang huat loh) KUMHLUI THLAH ZAN

Ber thla kan hmang chho mek zel a. Halmawi leh halpuah chungchang aw... Krismas leh Kumthar hnaiah chuan sawi a tímawm bik.

Thil reng reng hi eng emaw vanga ropui a ni a. Krismas leh ni pawimawh dangah te hian kan ni tin hna ngai ṭheuh thawkin feh chhuak ila, a ropuina hranpa a awm chuang lovang. A ni kan serh leh a lawmna hrang hrang kan siam avanga ropui mai a ni.

Kumhlui thlah leh Kumthar kan thleng ṭhin pawh hi, a thlah leh lawmna atana éng chi hrang hrang zanlaia kan han kap chhuak nguai nguai mai te hi hun bik ropuina tilangtu a ni tlat.

Kumhlui thlah, zanlai darkar chanve vel chauhte hi chu inhrethiamin, a bak hi chu khauh taka inkhap ni ta se. (Hemi zan, zanlai hi chu inkhap pawhin awmzia a nei thei tak tak chuang si lo)!

TV han en ila, Kristian ram ropui zawkte pawhin, he hunah hi chuan keini aiin an lo uar zawk niin a lang. (A hmun bik siamin an hal tih pawhin zawm a hlawh thei bik lo niin a lang.) Damlo leh harsatna bik neite hnaiha tih loh dan erawh zawng hram ta ila.

Kan chona lam ni lo se. Thil reng reng a ropuina phochhuak tur chuan senso leh tawrhna lam hi chu a awm ve fo tho mai.

*Kum khata 535600 minutes ah Kumhlui thlah zan, zanlaia 30 minutes na na na hi chu Sorkar leh NGO pawh hian ménah thlak deuh thei ta ila.

- Zopuia Pa