Social media

Hman deuhah khan Mizorama inter-net a lo luh ṭan dawn khan internet kha Setana tlukin kan 'mithiam' deuhte khan an han sawi a, kan va han hlau ṭhinin kan va in-sawiṭhaih nasa em! tih ka rilruah a lo lang.

Tunlai social me-dia kan hman dante hi ka en a, internet leh cyber cafe hlauhawm leh zahmawh bawm anga ngaitute khan engtin nge an ngaih tak ang aw ka ti rilru ṭhuai ṭhuai.

Facebook hi kei chu ka tuipui khawp mai a, sawiselna tur an hriat chuan a
ṭhatna sawi turin ka hnial peih zel ka ring. Facebook avanga ka hlimzia leh ka hriatna a zau phahzia leh mi titi ka man thiam ve phahzia hi sawi uar ka thiam si lova ka
ṭang na ve hle si a ni. Facebook hi ka tan a ṭangkai tehlul nen tute emaw tan chuan hnawksak leh sual pawh a ni ve thei tho.

Patling ni ve tawh ila, fanu nula chhelo deuh mai la innocent deuh nei ta ila chu ka tan chuan facebook chu hnawksak a tling ang. Ka fanu chu sikulah pawh miin hmelṭha an lo ti ang a, tichuan photographer-te beng a lo thleng a, anni lamin thiam takin, "I thla la ang. I taksa mawilai hi pho chhuah a ṭha. I ṭhatlai huna kan lak loh chuan i la inchhir ang. Zahmawh lam a ni lova hreh tur a ni lo, midang pawhin an la ṭhin," an han ti ang a. Pa tan mahni fanute ui beh a mawi tawh si lo, nula lahin a ṭhiante sawi vang pawhin a chhiat lohna pholan chu a lo chak ve dawn si, tichuan a tawpah liker-ten an like sup sup ang a, Facebook model hlawh nei loah a lo chang dawn ta a nih chu.

Ṭhenkhat ve thung chu Facebook-a eng-kim mai lo hrilhfiah sek tum, facebook thuneitu bera inngai an awm ve bawk a, an nuihzatthlak.

Mizo zingah hian celibrity han tih tura pui hi kan ngah a, engpawhnise heng kan milar neihte hi (celeb an nih leh nib loh lam chu in ngaihdan a ni e) ṭhenkhat chu Facebook-a anmahni sawi chhiatna lo chhan ve zuah zuah chingte an awm a, nuihzatthlak ve tak chu a ni. Celeb ve deuh roh chin hi chuan fans ve deuh roh an neih avangin haters ve ang chi pawh an nei ve bawk ang chu mawle. Insawifiahna tur chi niin ka hre lo.

Tichuan, Social media-ah chuan Pas-tor leh zurui in thu-neihna inchen kan neih tawh avangin pulpit aṭanga min khalh tumtute kha zu hmun aṭangin an han chhang ve thei ta si a, chuvangin social media hi hman sual leh sual loh lam aiin hman thiam leh hman thiam loh a awm thei tih hi i pawm ang u.

- Ramngaihsaka