Khawi maw Nuai 3 chaaa...

"Khawi maw Nuai 3 chaaa Ka Pu" kan tih hi i ngaihthlak duh loh chuan kan vote bîk lo ang che. Kan dil leh kan phût pawh ni lovin Pu Zoramthanga'n cheng Nuai 3 min tiam a, a ṭawngkam pawh kan la hria, kan phone-ah hian kan la dah ṭha hlawm. Nuai 3 min pek loh chuan kan vote tawh lo ang che.

Nuai 3 min tiam kha i sep raw tui nasa si a, Mizo mipui hmuhah i duh tawka i sawi avangin tak tak emaw kan ti hman a. Kan nghak rei tawh a, sâ ṭah chhuak pek an tih angin tui lo takin Rs. 25000 kan dawng. Kan duh chu min sawi hmuh cheng nuai 3 kha a ni a, min pek hma chu kan ṭhíng char char ang che.

Assam Rifles pawh chu insawn chhuak ta reng reng lo va, "Term khat chhung chuan kan sawn chhuak em em ang," i tih kha Covid-19 puh chi a ni ve tawh si lo. Theih loh tur chu min tiam lo mai ula, in vote duh luatah in tih theih loh tur in sawi a, in tlak phah pawhin a mawh phurtu chu ZPM leh Congress ni loin, nangmahni ngei kha in ni ang.

Hotupa thutiam chu a uisa thiam rualin bial tinah an aupui a, Nuai 3 tlinpuitute hian Nuai 3 hi in tlak phah ka hlau hle. In tlak palh pawhin Nuai 3 sem loh vang a ni ve thei tho.

Tin, Mau hian lung a la tileng ve. Mau sawi hi khap a ni ta em ni? Mau leina senso atana pawisa in pek zozai leh, mau chi supply tura in tihte kha kan hria e. Mau chu in lo hausakpui a nih pawhin Mizoram budget aṭangin mau hmangin in hausa. Mau erawh kan hlawkpui si lo, mau in sawi ngam tawh bawk si lo. Khawi maw nuai 3 chaaa...? Min pek loh chuan a pawi zawk ang.

- Maremmawia