Ruihhlo hal leh zu leih buak

Central YMA-in ruihhlo a do ṭhin a, a lawmawm hle. Mi ṭhil ch$k deuh t^n erawh chuan, Excise lam aia YMA in ruihhlo a man thei mah zawk tlat nia langte hi lawm t<r nge l^wm loh tur hriatthiam a har deuh ang. YMA hminga Aizawl v>ng ṭhenkhata zu chek tura nula tlangval rual, motora inphur liam nguah nguah ṭhinte han hmuh hian, kawng
ṭhenkhatah a thlamuanawm viau laiin, an leihbuak nasat aia z< a tl>m thei chuang si lo te erawh chuan ngaihtuahna a tiphir deuh.

YMA-in a zu man khawm Chanchin thara puan theih tura mumal taka an leibaw ṭhin te hi kan va han hmu chiang ṭh$n em! YMA ruihhlo man khawm s^ hal tura kan tl^wmngai p^wl hruaitute an han inrem khawm ang ṭhep ṭhawp a, a zau thei ang bera puanz^r ngei ngei tura minister an han h^l t$r ṭhinte hi a ropui leh lutuk a, ngaih a ti ṭha lo lek lek z^wk a ni. He ruihhlo hal leh zu leih buak hi chuan V^napa hall aiin, Congress Bhavan emaw Mizo Hnam Run emaw a tin z^wn z^wk tlat nia ngai duhtu an lo awm palh a nih pawhin, thil awm thei lo hulhual chu a ni lo vang.

V^napa Hall han sawi t^kah chuan, sak zawh a nih hlima a puala hla phuah mawi tak mai n>na kan awih lai hun kha a ngaihawm khawp mai. Tlawmngaih inzirtirna hmunpui, Mizo hnam ze hrang hrang chawi vulna inpui a ni t<rah khan kan lo ngai mai a, mahse; kan lo ngaihsual deuh a ni ang. Eng pawh ni se, V^napa te hun laia mi leh an hn<a Mizo tlawmngai dangte an sawi reng renga an tl^wmngaihzia tifiahtu at^na an sawi tel ve ziah chu an tlawmngaihzia mi hriat an duh loh thu hi a ni.

V^napa chanchin an sawi zinga a tlawmngaihzia tifiahtua kan hman lar >m >m pakhat pawh, “Vawi khat chu an ramvahnaah upa pakhat hian lung mam thel thawl hi lungt^t at^n a $t thu a sawi a. Chu lung chu V^napa chuan a rukin a lo ak a, an kalna t<r an thlen chuan a pe ta a ni,” tih hi a ni a. Tin, Taitesena huaisenzia an sawinaah chuan, sakeiin a tukkhum thlung a seh chat a, mahse; ani chuan min seh na lo ve, a pem ninnian chauh a a ni,’ a ti e an ti bawk. Heng mite chanchin leh kan Mizo hnamin tlawmngaihna a lo hriatthiam tawh d^n leh, tunlaia kan tl^wmngai p^wlte chet d^n hi ka ph^k t^wk hian ka khaikhin ru neuh neuh ṭhin.

Ruihhlo hian kan hnam a ei chhe nasa tawh hle a, min la ei chhe m>k zel bawk. Chuvang chuan a dotute’n kan hnam chhan n^n leh kan ṭhalaite nun humhim n^na kan do tak tak a hun takmeuh a ni. N< leh P^te hian, ruihhlo chuti khati z^t an halral a, zu <m chuti ang khati ang z^t an leihbua tih chanchin thar TV lama a lo chhuah hun ai chuan, ‘Mizoramah zu leh ruihhlo a v^ng a, kan fapa pawhin a sim ta e,’ tih hun hi kan nghakhlel z^wk ngei ang.

YMA-in zu a leih buak tam lam emaw, ruihhlo a halral tam lam emaw, a halral tura minister ho an koh tam lam emaw ai chuan, Mizorama zu tl>m lam leh ruihhlo tl>m lam hi hre fo z^wk ila a duhawm. Kan minister fel tak takte hi ruihhlo an hal lai TV a lo hmuh deuh reng ai chuan, an office a sawrkar officer te nena development work thawka an ṭhu lai hi hmu deuh reng thei ila a ṭha zawkin a rinawm.

Hun hlui liam tawhte hi ngai ve ngai mang lo ka ni a. TBC a’n vans^ngm< anga l>n thiam nih a, mualtin tl^ng kh<ma han hawi vel a, nun hlui mual liam hnu tawn a chak thu an au pui rawng rawng ṭhin lai kh^n tl>mtein ka ch^k ve det chauh tih a ni mai a. R.V^nrammawia’n he hringnun par ang an vul lai n$te a ngaih thu a chiau pui vawng vawng lai pawh hian kei chu ngaih t<r a lawi hi ka hre ve meuh lo. Kawr te kha kan nei chhe ṭhin khawp a, a kilh hi a awm mumal hman meuh lo. Kawrkilh han vuah mai tur lah awm hek lo, kan n< te khan a suihna t<r l^ hi min vuahsak tawp mai ṭhin.

Keini khuaah kha chuan vai thil siam chi hi a v^ng khawp mai, darthlalang keh thema inrah ah ai chuan mau n^a intih ah palh a hlauhawm zawk a. Rangva themin a chhun ai chuan r<lpuk hlingin a chhun a hlauhawm z^wk ṭhin kha a ni mai a, han ngaih t<r teh vak a awm lo. Mahse; YMA hruaitu at^na a hausa leh a fing deuh, a officer lam te thlang lova, khawtl^nga tlangv^l tlawmngai leh mi hmingṭha, mi nungchang ṭha leh ram hnathawk m$, mi taimate kan thlan ṭhin lai hun erawh kha chu ka ngai ṭhin.

An t^n minister tihlawm leh l^wm lohvin awmzia a nei lova, rethei riangvai leh hmeithai chhumchhiate lamah an kut an phar a, sa leh ralah hma an hruai ṭhin. Tlawmngaihna tih an hriatthiam ve dan leh an hrilhfiah ve d^n chu, ‘A thawhah kei hmasa ila, a eiah midang hmasa sela, a lang a p^u ni lovin a rukt>in ni rawhse, ch^nna hi hl>p a ni,” tiin.

- Rev. Jh. Za Hluna