Mizote Hi Bumin I Awm Tawh Lo Ang U:

1. Kum 5 chhung zawnga kawng chhia, inthlan dawn vang chauha ṭha ta zung zungte hi ngaihṭhat nan hman chi a ni lo. Bum fin kan hun ve tawh. Kawngsiam ṭhatte hi vote zawnna chi a ni lo. Sorkar laiin a tih tur ve reng a ni. An tih tur an tih vanga vote ngawt hi mipuite bat a ni hran lo. Hawh u, inthlan leh dawn hnaih chauha kawng ngai pawimawh ṭhin sorkar hi i vote tawh lo ngam ang u.

2. Nuai 3; mipuite hnena pek tiamtu sorkar hian a thutiam angin min pe ta thut pawh ni se, kum 5 chhunga an tih theih tawh loh, inthlanpui a nih dawn vang chauha dawng kan ni tih hriain hemi vanga vote let hi kan bat a ni lo tih i hria ang u. Mipuite tana an thutiam, kum 5 chhunga tih hlawhtlin tura an tiam tawh a ni a. An tih tur ve reng an ti a ni mai.

3. Mipuiten party mi leh sa an nih loh vanga mahni dikna chanvo pawh an neih ngam lohna, ruling sorkar party mi leh sa nih vanga vawk lal len tum ṭhinte hi i vote lo ngam tawh teh ang u.

4. Pa chhe kum tiam ang maia Assam Rifle sawn chhuah sawi kum tin, tihlawhtling thei si lo hian kan vote an ba tawh lo tih i hria ang u.

5. Traffic jam awm lohna khawpui siam tuma intiam kha; a ni telin traffic a jam nasa a. Lirthei intlanchhawk hian a hrin chhuah chu lirthei a pung telh telh a. Tlan loh ni a awm avangin a leina nei apiang chuan lirthei pahnih tal neih vek an tum a. A dahnain a daih loh avangin kawngsirah kawng tichepin an park hnawk bawk a. Parking phal lohna hmun a pung telh telh a. Parking theihna tur lai erawh a kiam telh telh thung. A tuartu chu lirthei hmang ṭhin mipuite tho kan ni e.

6. Zu zawrh duh loh vang hrim hrim ni lo, zu zawrh duh lotu kohhranho vote beisei vanga zu zawrh khap mai a ni a. A khaptute hian duhtawkin zu hi englai pawhin in tur an nei reng. Zu hmunpui Rangvamualah lah ualau tak taka zu lei an awm reng bawk. Tun hma zawng aiin ruihhlo a hluar a. Kan ṭhalai te khawtlang nun a chhe (social evil a hluar) em em bawk. Chuvangin Mizo mipuite hi sum leh dawt sawi hmangin i inbumtir tawh lo teh ang u. Kum 10 chhung vote lohna chhan tur finfiahna kan nei ta e.

- Ramhmangaihtu