Nuai 3 min tiam nge tiam lo?

MNF President Pu Zoramthanga chuan cheng nuai 3 min tiam a, Mizoram mipui chhung tin hi nuai 3 min pek a tiam. I&PR Minister Pu Lalruatkima chuan cheng nuai 3 an tiam loh thu North East Live TV ah a sawi ve thung. MNF ve ve, tu zawk nge kan awih dawn? MNF ve ve, tu zawk nge dawt sawi?

Mizo mipuite hi dawt hrilh mai mai tur kan ni lo tih hi politician te hian hre rawh se. Mizo mipui hma lam hun hi politician hian an hril thui si a, dawt min hrilh tawk leka mipui ngaitute politician hi a tu zawk hi nge ni ta?

MNF hi a hranpain ka haw lo, dawt min hrilh hi ka hua a ni. NLUP dawng tawh zawng zawng pawhin an dawng leh dâwn titute khan min ngainep a ni. Chu video chu Mizo zawng zawng phone-ah a awm si laiin, Minister ve meuh chuan an tiam loh thu a sawi leh si a, hei hi chu a dik lo a ni. Mipui hi min ngainep a ni.

ZPM pawh ka hrilh a che u. Tunah hian sorkar thei mai din hmunah in awm ve sia, in nep vaih chuan miin tuna MNF an nin aia nasain an ning ang che u. ZPM phei chu in che over sia, mi dang tih ngai loh Val Upa Council hmaah in han intiam a, in intiamna hi in zah loh chuan in châk lo ang. Tunah hian Zoram mipui chuan an duh che u, in fel vang ni lovin sorkarna siam tawh pahnih kan nin vangin kan duh che u. In intiamna hi ka hre kar dawn a, in rawn tihhlawhtlin loh vaih chuan kan rawn che na viau ang.

Tun sorkar hian nuai 3 sem leh sem loh chu sawi loh, an sem loh bakah an tiam ngei pawh "Tiam lo," an ti. MNF President ni mêk leh future President nih tum MZP line up inpawhna a inṭan der tawh ti an awm. Tun hnaiah an ṭawng fuh hleithei lo. "Ka Pu ka chhuna ka rui reng mai," tih ang kha a ni.

Minister fel tak nia kan ngaih ṭhenkhat Kohhran Upate pawh hian an bial chhung hnathawhah hian chan (quota) an nei an tihte hi a zahthlak. Hei hi tihtawp a ngai. Congress hunlai pawh khan a awm. ZPM hian in chìn chhunzawm vaih chuan kan pêm vang vang tawh ang. Kan rilru hi a ZPM hranpa lo, vote duh vanga dawt inhrilh ching sorkar tawh pahnih hi kan ning a ni mai. Kan duh loh lian ber chu dawt inhrilh hi a ni.

- RK Mafaka , Chanmari West