Nungcha leh lui humhalh

Nungcha humhalh tih thute hi TV-ah leh chanchinbuah te a khat tawk chuan kan hre leh ṭhin. Ngha fuan ven khap tih te pawh khaw ṭhenkhatin an puang fo bawk.

A sorkar lam bera hian, TV leh Chan-chinbua thusawi ṭhen-khat bak kal ngaih-na an hre tlat lo hi a mak a ni. Engtin-nge ni ang?

1) Sorkarin thu-pek leh kaihhruaina mumal tak siam se, khaw tinah lehkha thawn chhuak rawh se. Hei hi LAD tih tur a ni ang.

2) Khaw tin hian ram chin kan nei vek a, chumi huam chhunga nungcha, lui sa humhalh chu an khaw kutah dah ila, a hlawkna leh a hlutna pawh mipuiin tel ila.

3) Ram tih kan leh kan loh thuah pawh VC leh khawtlangin mawh phur sela, mahni ram chin ṭheuh venhim tur tih te hi inhrilh ngun ila.

Lui humhalh thuah hian ram pum huapa kaihhruaina mumal a awm loh avangin khaw tam takin Dan an insiam chawp a, tangka tam tak inchawitir emaw kut inthlak emaw hial duh awm hmelin boruak kan siam a. Khaw tin tih dan a inang lo thluah bawk. Sorkar berin tih ngaihna hre thlawt hek lo.

Aidusentil te hi te reuh te te a hlawk lo thei ang berin kan la a, chakai leh kaikuang, sangha nise tereuhte te kan man a, a hlawk lo thei ang ber leh to uchuak takin kan inlei sak a. Kaihhruina leh inzirtirna mumal kan neih loh vang a ni. Sorkar berin mumal takin hma la hek lo.

Kan ram lui sa te leh thlai te hi an tui teh reng nen a hlawk lo thei ang ber leh a cheu reu zawngin kan kal reng mai a, luite takngial pawh tûrin kan hrai duh a ni a. Mizo hnam rinawmna leh taihmakna kan tlachham tawh a, mah-ni kea ding zawngin ram hruaitu tam takin min hruai lova, Delhi zem zen kan nia kan tithla zen kha tunah chuan a rah kan tel ta. Hnam rinawm lo leh hnam hlemhleah kan chhuak zo ta. Milem be ho hnuaiah kan awm vang ni tak maw!

Tunlaia Kut apui kan uar te pawh hi hnam nunze ṭha phawk chhuak zawng kan uar te pawh hi hnam nunze ṭha phawk chhuak zawng ni lovin, a huau huau kan uar a, ṭhalaiten huau huau kan uar a, ṭhalaite chu mi zawmthawah kan chuak zo dawn. Ṭhalai nun tikhawlotu, mi zawmthawah kan chhuak zo dawn.

Ṭhalai nun tikhaw-lotu zu kan han zuar bawk a, zu leh sa leh nawmchenna lamah kan tlan suau suau a, moral chu a chhe viau ang tih a hlauhawm hle a ni. Tunge mawh phur? Ram hruaituten mawh an phur ber. Tun hmain Lal ziain khawtlang an kal tlangpui a, tunah pawh ṭhibehho suk thlekin kan kal a ni ber a, hnam vanduai tak chu kan ni.

Mumal deuha lui leh nungcha humhalh aṭang hian ram siam ṭhat hna i ṭan thar ang u.

- Rualkhuma Hmar