TU NGE SAWRKAR ANG?
Kumin inthlan hian Aizawl, Serchhip leh Mamit District te ka ngaihven zual bîk a. District dang erawh ka ralkhat thlir hlawm. Chuti chung chuan ka hmuh dan chu hetiang hi a ni.
Aizawl District bial 13 ah hian ZPM in Seat 8–10 an lak ka ring. MNF hian Seat 1- 2 lak theih dan neiin ka hmu a, INC hian Seat 1 an la thut thei bawk. MNF President hi tling nawn thei zinga khan ber niin ka hmu. BJP an tling lo vekin a rinawm.
Serchhip bial Constituency pathumah hian Bial 2-ah ZPM-in tlinna chance neiin ka hmu a, MNF hian bial 1 an la maithei, INC leh BJP tan tlin theihna bial ka hmu lo.
Mamit District hi a chirî angreng hle. MNF, ZPM, INC leh BJP te hian bial 3 ah hian chance an nei vek mai. Hachhek bialah hian BJP leh ZPM an fual deuh maithei.
Mamit leh Dampa bial ah Party ang chuan tlin inbeisei thei vek khawpin Party te an phûr vek mai. Party mi ni lo (Silent voters) te hawi lam azir ni berin ka hmu.
Ralkhat aṭanga ka hmuh dan chuan, Tuichawng, Palak leh Siaha bialah BJP tan chance a sang hle a, Thorangah hian an Candidate hi Chakma a nih avangin hnam angin ṭangrual se an tling thei bawk. Mahse an ṭangrual thei lo a nih hmel. Chutih rualin Mizo khua a ngaihsak lo deuh nia sawi a ni. Tling tura beisei a har deuh. Thorang, W Tuipui leh Lawngtlai
West te hi INC lamin an lak theih a rinawm hle.
- Vanlalhuma Kawlni
8–11 - 23