Vai cement mistiry chungchang

(Vei neih hi a hahthlak viau naa, a nuam phian si.)

Vai mistiry te hi self-styled mistiry an ni deuh vek mai a. Mistiry puitling an nih leh nih loh entu "Assessor" kan nei si lo. “Mistiry ka ni,” an tih chuan kan awih mai. An thiam vak loh chuan a neitu kan phun lungawi mai mai a. Kan ho khawp mai. Kan vaite hian min bumin min ei nasat bakah, an work quality chhiat ṭhin avangin neih thinglung khawnga kan sak kan building te hi a nihtur ang ni pha lo a tam phah ngawt ang le. Chuvangin, heng vai mistiry-te skills enchianga skill certification siam (assess) turin - PWD/UDPA/MYC emaw hi ruat ila. Duh khirh lutuk si lo, mahse cement mistiry-in a thiam ngei ngei tura ngaihho a thiam leh thiam loh en zel ni se. Misitry pawh grade I, II, III siam ila. Entirnan:- Mistiry grade-1 in Rs. 950/- II-in Rs. 850/- III-in Rs. 750/- hlawh se. ILP fee kan lak hunah pawh Mistiry grade azirin fee la i la. Tunah chuan Call Deposit Rs. 2000/- in kan hrut rual tawp mai niin ka hria. A grade a zirin hei pawh hi siam ṭha ang u. Kan revenue a tam phah bawk ang.

A awmzia chu India sorkarin NSQF (National Skill Qualification Framework) a siam dungzuiin a tih theih a. Anmahniho khan an state aṭanga NSQF certificate an rawn neihsa chuan a ṭha mai a. Chutiang nei si lo, Mizorama thawk duh an nih chuan Mizoram sorkar duh dan angin an awm ve mai tur a ni tih hi kan ṭan chhan a ni ang. Certificate lem a awm mai ang kan ti a nih chuan certificate system hi kan digitise ang a, adhar card emaw kan link ang a, QR code kan siam ang a. Duplicacy a awm theiin ka hre lo.

Vawiin topic atan aw. Hnathawh nuam ule.

- Joseph L Ralte