HNEHNA CHU LALPA TA

A hmasa berah chuan he mizoram legislative assembly 2023 result hi Pathian hnehna a ropuizia lanna a ni, kan Zoram mipui rilruah Pathian duh ve tlatna, kan fel lohna zawng zawng nen Pathian kan beiseizia mipuiten a taka an tarlanna a ni e. Hnehna chan rual ruala "A hming ropui" faka zai lamte, ṭhingṭhia ṭawngṭaite, ka la hre ngai lo.

LMC election result kha april thla Vanglaini khan, kum tawp dawn MLA election darthlalang tur a nih zia ka lo ziak ve tawh a nih kha.(April 8 Chhiartute thukhawchang) a karah hun tam a tla a, buaina lian tham awm lo mah se mihring ve bawk chuan rinhlelhna thlipuiten min han nuai leh ngial hnu, December 4 a lo herchhuah meuh chuan, "Lawmna tak mai thinlunga ka neih hi Isuan min pek a ni," kan ti thei ta.

Mahse mi tam takin thlan tlin ka nih chhan, MLA ka nih chhan, chu hnathawh kawr inbel leh mipuite rawngbawlsak, chu mipui rawng kan bawlna chu Pathian rawng kan bawlnaa ngai reng reng lo ram hruaitu, mimala chhui dawl lo kan tam zia Pathianin min hmuh/hriattir tawh a, chutiang chu ZPM-ah an awm lo. An lo awm palh a nih zawngin an thlawh sawmfang chu hmun hár mai a ni ang. A hmachhawn tur chu a ṭhian emaw a tih a MLA/minister pui a ni dawn a ni.

Heti hian ka ngaihtuah, khawvel thil mita kan hmuh leh benga kan hriat meterial changkang leh hmasawnna nasa tak karah hian Pathian hi a awm reng a, thawm dim leh inthlahrung takin chu Pathian thlarau thianghlim chu thlifim angin Zoram mipui zi nuai nuai karah a tleh heuh heuh reng tih hi. A duh a chawisang a, a duh loh a hnuk thla ṭhin tih hi amah Pu Holmes-a ṭawngkam takin, "Theihnghilh tuma beih fe a ngai dawn a nih hi."

A hming Maka, Remruattua.

- A. Tlangthanga