Mitin mamawh hmasawnna

Mihringte mamawh zinga langsar leh pawimawh ka tih chu hmasawnna hi a ni. Kum 2016 kan hman meka hmasawnna langsar tak kan neih chu I league Football a Mizo ṭhalaite’n he kan state football khel-mual ngeia I league Football kan khel ve ta hi a ni. Hma-sawnna tur atan tan kan lakna tur tlem han sawi lang ve ta ila :

Faina leh thiang-hlimna kawngah hian ṭan kan lak a ngai. Biak in chhunga thil eina kawr, kuhva eina te, meizial zukna bung te hmuh tur a awm hian kan Pathian leh kan Pathian biakna in kan zah lo tih a tilang.

Pathian leh Kohhran tana rawng-bawltu in ti tan phei chuan tih loh atan a va ṭha tehlul em!

Kan rama leimin tam tak awm chhan hi bawlhhlawh kan pawih fimkhur loh vang a ni. Mahni chhungkua ṭheuhah a tam thei ang ber bawlhhlawh paih dan chung chang kan in zirtir a ngai. Lei chu leiah bawlhhlawh chu a bawmah tih thufing hi nitina hun i hmannaah i hre reng dawn nia.

Hun vawn dik a ngai. Hman deuh aṭang khan Mizoram state sawrkar chuan sikul ṭan hun tidanglamin nitin chhanchinbu-ah te, Cable TV ah leh inkawmkhawmnaah te an sel a. Ṭhenkhat buai phah fe fe pawh an awm. Sikul ṭan hun sawrkarin a rawn tidanglam hi a ṭha hlein ka hria. A chhan chu Mizote hian hun vawn dik kan ngaih pawimawh a ṭul tlat. Sawrkar office ṭan hun pawh hi sawrkar hian ti hma chhin se la.

Tin, pawl hrang hrang leh khawtlang huapa kan tlai ṭhin lutuk pawh hi hun vawn dik lama kan pachhiatzia tilangtu a ni.

A tawp berah chuan mitinte’n nitin hun kan hman ṭhinna kan mawmawh pahnih ka rawn thailan takte hi zawm tum hram ila. Midangte zirtirtu nih i tum bawk ang u.

Eng pawh ni sela kan thlen chin aṭang khan hma i sawn zel ang u.

- George l. Ralte, Nisarih Tlang