INDONA : KAN LAL ISUA LEH HMELMA SETANA INDONA.

Jordan luia baptisma a chan zawh hlima thlalera ni 40 lai chaw ei lo leh mut mu hmu mumal lova a awm hnuah khan, kan Lal Isua chu Setana'n remchang hmuin a thlém a. Lung chhanga chantir tur leh biak in chhip zum aṭanga zuang thla tur leh, chibai buka ram zau tak pek tura thlemnate - heng zawng zawng hmang hian Setana'n a thlem hlawhchham a, hun remchang atan a kal bosan ta a. Hun remchang a hmuh tak loh avangin thisena a tlansa, a fate chungah ṭuan tain Thlarau Thianghlim chenna atana a buatsaih, a mihring siamte tihchhiat tumin ruihtheihthil chi hrang hrang hmangin nu leh pa, nula tlangvalte tihchhiata chenna tlak lova siam tumin kan taksa tichhe thei ruihtheihthil chi hrang hrangin min bei ta reng a.

Tih chhin chakna hmangin kan taksa tana ṭha si lo hmang hian Zoram ṭhalai/nu leh pa tam tak chu Setana thlemna hmanrua ruihtheihthil chi hrang hrang min ngawltir a. Chu'ngte chu kan taksa tana ṭha si lo, lei ngai bawk si, min tirimchhetu; a ti ṭhinte'n a rim chhiatzia kan hre phal si lo, ṭul lo va sum min tihektu kan ngeih si loh, mi tana rim chhia leh hnawksaka min siamtu nula leh tlangvalte kâ tirim chhetu hi kan hmelma Setana hmanrua a nih hriain pawm ila, i bansan hram teh ang u.

Kohhrana rawngbawltute phei hi chuan kan tana ṭha lo min tichhe thei heng thil hi chu sum hmuh nana hmangin i zuar lo hram teh ang u. Kan mihringpuite kan hmangaih a nih chuan an ṭhatpui loh tur hi ti lo hram ang u.

Kan sim loh chuan a duh hun hunah,

- chaw eikhamah te,

- inkhawm ban velah te, - kan ei in zawh veleh te, - kan thawh veleh te leh - hun awl kan neih veleh kan ngawl ṭheuh, - meizial, - kuhva, - tuibur, leh ruihtheihthil chi hrang hrang hmangin 'âng rawh âng rawh' min ti leh dawn a. Kan kut ngei hmang hian min ântir leh dawn em tih zawhna inzawt ṭheuh ila.

Kan dam tlan theih nan Setana hi i thurualpui tawh lo ang u.

- Lalrammawia, Ex-Serviceman, Ramthar North