Kan puten nupui an ngam lo

Hmanni chu police pahnih ti ti ka ngaithla mai mai a, an sawi dan chuan an pute nupui ngama bar an awm lo. Ka awih chiah lo a, mahse a ni an ti ve tlat.

Police officer nupui ngam chu kut cháng thliak meuhin zu sawi thei lawia maw le. A mak ka ti hle mai.

Police officer pakhat phei chuan a motor kawl lai a nupui leh fate hruai nan a hmantir a, amah chu scooty ten a office ṭhin an la ti ta deuh deuh nia!

Chu officer chuan a sorkar motor kawl kha a mipuiin office kal nan a hmang a, nilengin a pasal sorkar motor kawl chu a office kawtah a inhung niin an sawi ta deuh deuh. A nupuiin pisa kai nan a hman mai bakah, a fate sikul kai tur thlah leh lam nan a hmang niin an sawi.

Sorkar hnathawk ṭhenkhat corrupt zia hi kan hria ang a, an sum lakluh leh an khawsak dan, an thil neih rohlu leh an in sak thlengin a inmil thlawt lo hi keini mi mawl pawhin kan thik ta a ni.

A bikin police officer tam zawk hi chuan in an sakin sorkar motor vekin Silchar lamah bungrua an phur a, mistiri leh labour thlengin sum an seng meuh lo niin an sawi. An naute an chhawr mai niin an sawi a ni satliah lo a, an in sakna ṭhenawmten an chiang viau zel.

Police officer pension-te hian an sorkar motor hman lai emaw an kawl rei thei viau mai. Motor mai bakah driver leh Ardali thlengin rei tak tak kawl an awm.

Mipui hi kan thikthu hi a chhe ve telh telh a, sorkar hnathawk mai ni lo, kan politician thleng hian kan enthla tawh a ni. Fimkhur taka ministry pawh a kal a ngai ang. Mipui kan fing ve tawh e.

- Lalkhirhvela