Sorkar thar ṭawngṭaipui ang u

Mizoramah party hrang hrang sorkar kan nei ta nual a, hna ṭha taka thawk te, phuai deuh hleka thawkte an awm bawk a; tunah la sorkar ngai lo ZPM an sorkar ve leh ta.

Kan sorkar tharah hian hmasawnna thawk turin beiseina sang tak kan nei a, kan ṭawngṭaipui pawh an ngai dawn hle a ni.

Mi rin loh deuhin eiruk lam an kal dawn lo ni pawn kan hria a, eiru turah pawh kan beisei lo tawp. Eiruk aiin ṭha taka ram rawng an bawl hi kan beisei a, an thlarau leh taksa hrisel nan pawh bang loa kan ṭawngṭaipui an ngai hle a ni.

An sorkar tirh phat aṭangin dik taka kalpui an tum thu Chief Minister-in a sawi a, sum renchem chungchangah pawh nasa takin hma a lak tur thu a sawi bawk kha a ni a. Mipui nawlpui pawhin a lakah beiseina kan nei sang viau a ni.

CM mai ni lo, minister dangte pawh eiru duh miah lo turah kan ngai a, kan ngaih ang ngeiin therhlo lakah fimhlim turin kan beiseina a sang viau a ni.

Mo thar tha kan chhawr mek a, an mothar thar ṭhat lai ngei hian ram leh mipui tan theihtawp han chhuah teh se. Mipui hian beiseina kan neih san ang bawk hian an hawiher pawh an zau se, theihtawpin kan pui hreh dawn lo.

CM aṭanga Minister dangte sum atchilh lo phawt mai se, sorkar hnathawk officer liante pawh han dip deuh se, sum lo thlawnin luang ral miah lo bawk se, hmasawnna hnathawh lamah theihtawp han chhuah tak tak teh se. Kan beiseina hi a sang teh a nia.

Kan hmuh angin mi hlemhlete an khup ta zal zal a, police checkgate-a motor driver-te sum laksak an han titawp ringawt maite hi a Kristian Ram ngawih ngawih. A lawmawm khawp mai.

- Melissa Pa