OFFICE KAI HUN HI

Kristmas hma deuh khan Office pakhat dawr turin dar 10 rik hma deuhin ka thleng a. Ka biak tur ber chu a lo la kal lova, chawlh a lak an hriat loh thu min hrilh a. Ka nghak ta char char a, dar 11 a rik dawn takah chuan ka beidawng ka haw ta ngawt a. Kum thar ni 10 bawr velah ka kal leh a, Aizawl a a mas hmang a la haw loh thu in min lo chhang leh a. A hnuah dar 2 velah ka kal leh a, lungphunna ah a lo kal bo leh hman hlauh a. Pa vanduai hi ka va ni tehlul em!! Sawrkar hna thawk ve tho ka nih avangin ka duh hun hunah ka kal thei mang si lova. Ka kal hun hi a fuh lo thei riau a.

Ti hian ka ngaih-tuah a, Mizoram sawrkar hnuai a thawk ṭheuh ṭheuh, hun hi kan va invawn dik hleih e aw tih hi. Zirtirtu hi chu dar 9 a office rawn lut hmanlo hi chu kan inmelh rum lo chauh a ni si a. Ban hunah lah last period neite kan nghak tlang dial dial ṭhin, mi Schoolah pawh an tih ve tho ka ring. Khawchhak ram ṭhenkhat tlawh tu ten Biometrict attendance an hman dan an sawi a, an thlen veleh an hmet a, office an chhuahsan dawn leh an luh leh dawn te, an haw dawn te in an hmet a. Office an thlen hmanloh leh chhuansan chhung zawng kha an hlawh an cut sak hmak ṭhin a ni awm e. Hetiang hian ti ve ta ila, tam tak hi chu hlawh lak tur kan nei tlem ve khawpin ka ring. Zing Dar 9 - Tlai dar 4 kan office hunchhung tur a nih laiin dar 10 a office dawr tur mumal an vang viau nia. Heng a thawktu zingah hian rawngbawltu ṭha tak tak te pawh an awm a, eiru ah an inngai miahlo a ni chek ang chu maw. Danglam ngam Kristian hi kan va mamawh tak em!! Aizawlah chuan ZPM an sawrkar chinah traffic jam hun a insawn dawrh niin an sawi a, khawpui dangah hian hma lak ni ve se kan va awlsam phah nasa dawn em tih te hi ka ngaihtuah mai mai a.

- Lalvena Khiangte,  Champhai