Zoram Harh A Hun

Kan Zoram hei bak kan nei lo, I venghim dawn lâwm ni?

Zoram, ka ram lu chhum ban chhum huama kan sah zau kan ti a ni lawm ni le? Tunlai kan Zoram chhûngah hnam dangin ruihhlo leh râlthuam thil ṭha lo tinrengin min hual bet a, kan ṭhalai ṭhatlai nun Zoram tân an hman theih loh nan ṭan an la mêk. Hawh u, pheilai khaiin i pen rual leh ang u khai.

Mahni hnama chiang na na na chuan a ram pawh a hmangaih ṭhin, a chi puite tân hlauhawm a chhuah ngai lo va, ruihhlo tawlhrûk leh Zoram khawvâr daltuah ngat phei chuan an kut chauh lo; an ke te nên lam a silfai hmak bawk ṭhin. Tunlai ṭhalaiah Sex a hluarin HIV AIDS inkai chhawn pawi lo tihna a pung a, tihpalh thil thua kai lah thinhrik leh siin, Kristian ram inti siin dai pâwnah kan dah lo chauh. Mahni kan inrawk tih hi kan inhriat a ṭul ta, tihdam aiin inven a pawimawhin a ṭul fo a, mahni chhungkaw chunga hleihlenna a hluarin hur sualna a pung a, kan chaw kilpui ngei kan tu leh fate khawih duh lah bo lo.

Eirukna a zung chawpa phawi kan ti ṭhin a, hemi chungchangah hi chuan inenfiah ngai ṭheuh kan ni awm e. Khawi ilo veng kil chhûngah pawh ṭhál a'n ni a, tuisem intlawnsiakin tui a mamawh tak takte thleng phak lo khawpin, mimal duhsakin an pe tam fal ṭhin niin a lang fo bawk. Kan sawrkar hnathawhna hmun ṭheuhah sawrkar bungrua dimdawih aiin eiral leh hleprûk kan uarin, a chuang a liam emaw tiin kan hui fai diak ṭhin. Sawrkar thar kan lawm em em a, mipuia te bawk hian sawrkar hlui kal dan ṭha lo, duhsak bila kal ṭhinna system-ah hnuh luh kan tum leh emaw tih tur khawpin, insawipui leh dilna dik lo kan sim hreh viau thung.

Mahni leilung hmangaihna kan tlâkchham ṭhin vang hi a ni hnam dang thil ṭha lo tawlh rutute pawhin mi an zuam ṭhin ni. Hnam dangin min zuam sawt hle a, kan Zoram kan pi leh pute lu nghahna hmun ngeiah rawn inrelhruin, a hmei a pain min chim ral tumin an bei mek.

Tunlaiah ram dang an ram buai avangin raltlan kan nei mek zêl, a lo chhawm dâwl dan tâwk thiam a ṭul ta hle. Nunnain a tawrh phaha kan economy pawn a la tuar dawn chauh. Hnam dangin hnathawh hreh an nei si lo, nui chungin min la ei da vek ngei ang.

Amaherawhchu, kan ram Mizoramah hial pawh inrelhruin kan chenna hmun ngeiah hian, min beih theihnan an insawh nghet ngam ta lehzel hi kan zuam awm ta viau em ni le? Hahîpa sawi thamin an huangtau sawt hle a, kan ram hi keini lovin hmangaihtu dang a nei dawn lo va, lei rem kan rah ve theihna hmun chu kan ram Zoram chauh hi a ni. Fam ta lo chu harh a hunin Zoram tan âw ni ang. A sur a sa kara kan pi leh pute sut kuaksa Zoram nuam Âmna sual paih bovin ram hmangaih thinlung puin, ram tan bawh hun leh awp hun hriain Zoram a lo nawm zual nan kawng i sial ang u.

- C.Malsawmkimi

Armed Veng South.