Dan kan pawisa lo mah mah

Tunhnaiah Transport department leh traffic police ṭangkawp chuan lirthei document hrang hrang dik lo endik hna thawkin, ngaihhnathiam lohna hun an siam a, lirthei eng emaw zat an man a ni.

Khatih lai leh tun thlengin MINECO ah chuan polution certificate lak tum an la intlar put mai a, chu'ng lirthei tam tak intlar ringawt aṭang pawh chuan Dan zawm lo an tam zia a hmuh theih. Danin a phut ang nei loa lirthei kawl an tamzia a lang Chiang ngawt mai.

State dangah chuan document leh licence mai bakah polution certificate leh insurance certificate an check uluk thei em em a, polution certificate neih loh ringawtah pawh Rs. 10000 chawi a ngai a, Mizoramah chuan kan la hàm strict vak lo zawk a; a nih dan tur dik taka kalpui chuan lirthei hi anhnah tél leia lei mai mai chi a ni lo. Enkawl ve fe a ngai tih hriat a ṭha.

Sorkar pawh hian Dan palzutna hi veng nasa sauh sauh se, road tax pe si lo, lirthei rei tak tak kawlte hi manchhuah zel a ṭha viau mai. Miin fee pek tur ang ang kan pek laiin Dan bawhchhiaten Zalen taka an lirthei an khalh bik hi a thiang lo.

Chuvangin road tax pe ṭha duh lo te, licence fel lo te, polution certificate nei lo te, insurance ngai pawimawh miah lote chungah hian khawngaihna lantir reng bik a ṭha lo ang. A ṭhenin road tax leh engkim kan ngai pawimawh em em a, kan mutmawh hnarmawhah kan nei a, dik lo taka lirthei kawlte kan dim viau a ṭul lo ang.

Transport department pawh hian nasa zawkin checking hna thawk se, zinchhuahna kawtchhuah hrang hrangah traffic police-te nen ṭangtlang se a ṭha ang.

- Lal Khirhvela