LUNGLEI BAWK AW !

Vanglaini 6th March, 24 ah khan Pu C. Lalthanmawia IPS khan Lunglei danglam bikna tih thu kha a rawn ziak a, Dist. Hqrs. danga awm ve lo Office leh Sawrkar hnathawk DIGP, Joint Directors tih vel etc te kha a rawn sawi a, a dik viau mai. Dist Hqrs danga Dist Head pangngai aia hotu lian deuh zawkte an awm nual avangin Dist Level Official Function leh meeting a lo awm changa Organiser te hriat tur pawimawh tak tak (Protocol) lamte a rawn sawi a nih kha. Kha'ngte kha hriat reng a ṭha hle ang.

Lunglei khawpui danglamna ti meuhva Pu Mawia'n a han ziak hi experience eng emaw aṭanga ziak ni ngeiin a lang. Pu Mawian min lo hrethiam se la, Lunglei khawpui danglam bikna thil ṭhenkhat han ziak belh ve hlek ila.

Pre Independence India-ah khan LUNGLEI (Tlabung) kha Mizoram kawtchhuah pui ber a lo ni tawh a ni. Tlabung aṭangin Lawngin Kolkata chauh ni lovin, Chittagong, tuna Bangladesh te awlsam taka kalna kawt chhuah a ni a, Tlabung dakin tuna la ding pawh Mizorama Dakin hmasa ber a ni tih kan hriat ṭheuh hi.

Lunglei hi Dist. Headquarters chauh ni lovin, Mizoram khawpui 2-na, second capital a ni bawk e. A mihring lo awm tawh te avangin LUNGLEI hian danglamna tak a neih leh a, chungte chu – Pu Darphawka te, MNF founder Pu Laldenga te, Thu leh Hla lamah Fam Lalzova te, Pu Thuamluaia te khua a ni bawk.

Leitlangpui a chul dawn lo, tih hla hi vawiin thlengin la sak a ni reng a, kan Zoram khawpui dangte hian hetiang hla hi an nei em aw?

Independence LUNGLEI ah, MNF-in Independence suala India nen an inkah kum 1966 ah khan, LUNGLEI khawpui hi MNF Sipaite khan an la a, Mizoramin Independence a taka a lo neih ve tawhna chu LUNGLEI hi a ni. Aizawl erawh chu kan hnam sipaite khan an la thei ta lo a nih kha.

Tawk mai teh se.

- Rev Biaka Chinzah