'Sangha bomb ve ang u' an la ti mai ang

Mizorama khaw pakhat Phaizau VC leh an khuaa pawl dang zawng zawng (all NGO)-te telna Joint Committee chuan Mizoram tan example ṭha tak mai an rawn siam a. An khawtlangin lui an humhalh chhungah MLA leh mi ṭhenkhat, a ṭhen chu MNF Unit hruatuten bomb hmanga sangha an man avangin Rs. 10,000 cháwi turin an ti ngam a ni. 

Mizoramah hian khua leh veng tam tak chuan dan hi huaisen takin an siam ngam tlat lo, mihausa leh milian chin a thlen hian an tlan chhe daih zel. 

Phaizau khua hi chuan an sangha humhalh bomb-tu zingah MLA pawh tel raw sek sek pawisa an chawitr hmiah mai a, MLA a tel avangin an khaw dan hi an palzam tir duh ṭhak lo a ni. 

Phaizau khua hi chuan an phak tawk leh an thiam ang tawka an tih tur chu an ti zo tawh a ni. 

Sor­karin sangha bomb tu a hrem ve a ngai ta. Sangha hi an bomb ngei tih finfiahna turin thlalak pawh Social edia lamah tam tak hmuh tur a tam a, MLA pawh a awm ngei a ni. Hei hi dan ngai pawimawhtu MNF sorkar hian Pu Lalduhoma ZPM Chief Minister Candidate chu, "A ZPM em a ni, ZPM ah mi a lawm lut," th kha dan bawhchhiatna tiin an hek a, an ban ngam a nih chuan MLA hi an dim bik tur a ni lo. Politics thil a ni lo, dan leklawh a rual tur a ni. Mipui hian kan lo thlir reng che u a nia kan pute kha, sangha bomb-tute hi engtin nge in kal pui dawn le? 

Sangha bomb avanga sorkarin hrem­na a lek kawh loh chuan, "Hawh u, sangha i bomb ve ang u," tiin kan ṭhalai te hi an chhuak ve mai dawn a ni. 

Nungcha hum­halh­tu pawl kan neih zingah BIOCONE chu huaisen takin an rawn ṭawng chhuak a, pakhat dang pawl lar tak chuan MLA leh ruling party an hlauh vang nge mawni thuchhuah dawih deuh an siam bak FIR pawh an thehlut lo. Hei hi Mizorama kan kal dan a nih chuan ṭhalaite hian sangha bomb ve tur an tih mai a hlauhawm.