LUNGLEI LEH BAWK AW

Vanglaini chanchinbu chhiartute thukhawchang, dt 6th March, 2024-a Pu C. Lalthanmawia IPS in Lunglei danglam bikna tih a ziah a, DIG (Southern range) leh AH&VETY hnuaia Joint Director an awm bik thute Rev.Biaka Chinzah in a rawn thual leh a (Vanglaini dt. 10 & 11, March/2024).

Khata Rev Biaka Chinzah thu rawn thual leh khan Lunglei a rawn huam zautir viau a, Tlabunga Post Office awm pawh Zorama a hmasa ber a nih a rawn tarlang a.

Lunglei mihring lo awm tawhte avanga Lungleiin danglamna tak a nei tia a rawn sawi - Darphawka te MNF founder, Laldenga te, thu leh hla lama Lalzova leh C.Ṭhuamluaia te a rawn tarlang a.

Hlaah H.Lalringa phuah, "Leitlangpui a chul dawn lo," tih bak a tarlan hmaih nual a.

Krismas dawn apianga kan sak leh ngaihthlak fo Roliana Ralte phuah, "Hun leh nite an herliam zel a," tih leh kumhlui thlah dawn apianga K.Rammawia phuah, "Aw ka ngai chulhnu kumhlui," tih kan sak ṭhin leh, TV-a kan ngaihthlak ziah ṭhin te a tarlang tel lo va, ka lo ui deuh a.

Political Party founder-ah Laldenga chauh a tarlang a, Brig.T.Sailo a hmaih a, ani hi Vanhne piah lawk Ṭhuampui khawchhuak a ni si a (Tlabung PO) te a huamtir laiin. Assam hnuaia kan awm laiin Ch. Saprawnga, MLA (PSecy), Theiriat khaw chhuak leh Lalmawia MLA (PSecy) ni ta te, Lalmawia tho, Southern Mizo District MLA a hmaih bawk.

Aizawl, Zarkawt mi hlun, R.Buchhawna leh Lalmawia te unau, Pastor Thankunga fate a tarlang lo bawk. Anni hi Lunglei, Lunglawn chhuak an ni bawk.

Sainghinga pawh Pukpuia piang, Kristian nih avanga Pukpui aṭanga Sethluna hnawhchhuah, Theiriata awm ta, Zarkawta awm leh ta, Mizo Officer hmasa pawh Lunglei mi a ni.

R.Dengṭhuama pawh Pukpui khaw mi a ni bawk. Kan tarlan loh an awm nual mai.