ATHIAN DAN LEH WILDLIFE PROTECTION ACT, 1972 BAWH CHHIA

Mizotena Pathian thu kan bawhchhiatna nasa ber zinga mi chu Genesis 1.22c hi niin a lang: "SAVATE PAWH LEIAH PUNG RAWH SE" tih hi, keini Mizo ṭhenkhatte chuan, "E, Lalpa, pung lo ve, savate an pun hi kan phal rêng rêng lo, Mizorama savate hi tih mang vek tumin kan bei mek, i thu hi engah mah kan ngai lo; thang chi hrang hrangte, sairawkherh chi hrang hrangte leh hmanraw dangte bakah airgun ṭha ber ber chi te hmangin savate hi kan that chimit vek dawn; tunah pawh hian kan that mang ṭep tawh. I thu hi kan duh lo ve," ti ang hrimin nungchate chunga kan rilru dan put dan hi a dik mawlh lo.

Kan LALPA Pathian hian engtin nge a ngaih ang aw! Nungchate chunga kan rilru put hmang zawng zawng leh thinlung chhung ril hmutu leh hretu kan LALPA Pathian hian engtin nge min ngaih ang aw! Nungchate chunga nunrawng taka kan lo chet tawhnaah hian Pathian hnena ngaihdam dil tur kan ni. Pathian thu leh dàn zàwmin nungcha tih hlum hi i sim vat ang u.

–Dr J.T.Vanlalngheta, Member, *Association for Environment Protection (ASEP) : Ram Ngaw Leh Nungchate Ṭhian*