Kawngpui Ningkhawng

Kawngpuiah hian mi chi tin, mi ang lo leh rualbanlote, hmeichhe chak lo zawk leh raipuarte, tar chak lo leh naupang â-te, chanvo thuhmun neiin kan kal tlang vek a. Lirtheia kalte leh kea kalten dikna chanvo (right of way) kan nei ṭheuh bawk. Kawngpui dan, 'The Rules of the Road Regulation 1988' chuan lirtheia kalte aiin kea kalte humhalhna (priority) a pe sang zawk mah nghe nghe a ni. A chhan chu intihpalh thulhah mihring hi a tuar zawk kan nih ṭhin vang a ni. Chuvangin lirthei kan khalhin kea kalte kan zahin kan veng thiam em em tur a ni.

Tun laiin lirthei khalhtu naupang zawk leh dan hre lo zawkten kawngpuia kea kalte zah nachang kan hre tawk lo hle ṭhin hi a pawi khawp mai. Kea kalte hian lirthei an ngaichang thiam tawk lo deuh a nih pawhin, lirthei khalhtuten an zai ngaia dawhthei taka nghah ṭhin tur a ni.

Puipunna hmuna mihring tam vanga lirtheia kal a harsat deuh chuan, lirthei chuan a nghak rih mai tur a ni. Hetih rual hian, kea kalte pawh lirthei nena intihpalh thulhah a chan chhe zawk kan nih avangin lirthei khalhtute tana ven har khawpa kawngpuia inthlahdah kan ching hi a fel lo hle bawk.

He ningkhawng hre lo hian lirthei khalhtute leh kea kalte inzahtawn a hnehin mawl leh chapo kan inti tawn ta ṭhin a nih hi. Mi ningkhawng hria chuan kawngpuiah lirthei a khalhin kea kalte a zah a, kea a kalin lirthei a hlau thiam bawk ṭhin. Chu chu kawngpuia him tlanna bul chu a ni mai.

ROAD SAFETY SLOGAN:

- Kea kalte zah lo taka lirthei khalh hi mi mawlte ze langsar ber pakhat a ni.

- Kawngpuia lirthei hlauh loh hi mi mâwlte chapona leh dawihzepte intih huaina a ni.

- Mi chapote lirthei khalh leh rui chunga lirthei khalh chu Keipui hliam vak vel ang a ni.

- PC Hmangaihzauva