STUDENT CAREER GUIDANCE

(Matric pass te tan)

Zirna leh Career siamna kawtchhuah, HSLC kan han pass chiah hian zirlaite chuan kan hmabak kawng thui tak zawh tura uluk taka kan kalna tur kan thlan a ngai ṭhin a. Matric pass tharten an ṭangkai pui theih tur tlem tar lang ang aw.

Matric pass-in a zir theih tlangpui

1. Arts subject zir duh tan Class XI chhunzawmin Higher Secondary School-ah leh Open Univerisity leh school hrang hrangah Arts subject a zir theih.

2. Class XII zawha Computer emaw Commerce zir duh tan Class XI ah optional/ additional subjects IT, Commerce lak tel tur.

3. Direct-a Engineer/ Applied Science (Forestry) zir duh te tan Engineer North Eastern Regional Institute of Science & Technology (NERIST) ah Engineer leh Applied Science a zir theih.

4. Direct-a Diploma Engineer zir duhte tan NIELIT, Aizawlah Diploma in Electronics & Tele Communication Engineering a zir theih. NIELIT a zirlaite hi Central sorkarin zir man a pek sak vek bakah college dang ang thovin scholarship an dawn a, sum lama harsa tan NIELIT a zir hi a remchang hle. Mizoram Polytechnic, Lunglei-ah Diploma course hrang hrang a zir theih. Tin, hmeichhia tan bik Women Polytechnic-ah Diploma in Electronics & Tele Communication Engineering a zir theih.

5. Industrial Training Institute (ITI) ah Vacational Courses hrang hrang a zir theih.

Class XII zir duh tan subject combination chungchanga hriat tur pawimawh te:

Dan naranin Pawl 10 pass hnuah Class XI kan zir zawm dawn chuan subject pathum - Arts, Science leh Commerce lak theih a ni.

Arts zir duh tan

Political Science, Economics, History, Education, English, Mizo, Geography, Public Administration, Socialogy, Psychology etc. zing a mi hi 10+2 a i kalna tur sikul a zirin a inkawp bik tur an lo dahkhawm ang a, i duh ber combination i thlang tawh mai dawn a ni. Science Subject-ah hian: Physics (P), Chemistry (C), Mathematics (M), Biology (B) a awm.

1. Doctor (MBBS, BDS, BVS ) emaw Nurse etc nih tum tan PCB subject lak tur.

2. Engineer (Computer, Electronics, Electrical, Civil etc.) nih tum tan PCM lak tur.

3. BCA/ MCA zir duh tan: Maths leh Computer Sciences/ IT subject lak tur

4. Commerce zir duh tan: Commerce lak tur Chartered Accountancy lam te, Banking, Financial Analysts lam te, Insuarance leh Financial Planning leh Management lamah te zir chho theih a ni.

Polytechnic leh ITI te hi eizawnna tlak Technician Education petu pawimawh tak a ni a, zirlai ṭha leh tum ruh kan mamawh tak zet a ni.

Mizoram University-ah B.Tech Computer Science & Engineering leh B.Tech. Information Technoloy zirna a awm tawh avangin Diploma zir zawhah Engineer puitling awlsam tak a nih theih tawh. Class XI zir mawl tawp lovin ITI leh Polytechnic zirna lam hi kan uar a hun hle.

Aw le, Mizo naupang tam ber hi tum mumal nei loa lehkha zir kan ni ṭhin a, Matric-a a tiṭha deuhten PU/ Cl-XI & XII ah Science leh Commerce subject an la tlangpui a; a bak zawng Arts stream-ah an inbeng khawm nguk ṭhin.

Mizoramah chuan lehkha kan zir chhan ber hi eizawnna tlaka sum lakluh leh sawrkar hna thawh hi a ni. A bikin sorkar hna nghet thawh kan duh deuh vek a, kan tum ber pawh a ni.

Hei vang hian nakina kan ram leh sawrkar mamawh tur ngei ngei te ngaihtuah chungin nu leh paten uluk taka ngaihtuahna kan sen a ṭul hle mai.

- Chhungpuia Renthlei