BIORESOURCE RESEARCH OF NER - POWERFUL DRIVER OF BIOECONOMY
Scientific technology lama hmasawnna hi khawvel sukthlek leh khawtlang nun dan leh, ram hmasawnna nghawngtu pawimawh tak a ni tih hriain India sorkar hian chumi lamah chuan hma a la nasa hle a, zirtirna leh khawl hrang hrang hmanga ram mipuite khawsak awlsam nana thil pawimawh te, technology hmasawnna hrang hrangte hmangin a thuam chak mek zel a ni. Institution kal dan phung thar fing zawkte duang thar zelin, science thiamna peng hrang hrang (multi-disciplinary) hmanga ram mamawh leh mi tinin a tel lova kan awm theih loh, a bik takin kan hriselna atana chaw ṭha, tui leh boruak thianghlimte leh boruak, sik leh sa inthlak (climate change) tur ven te, huapzo leh awmze neia hmasawnna (sustainable) thlen hi Sorkar laipui thil tum ber chu a ni.
Department of Biotechnology (DBT), Ministry of Science and Technology hi India ram puma biotechnology hmasawnna promote-tu agency khaipa ber a ni ti ila, kan sawi sual awm lo ve. DBT hi sorkar laipuiin Autonomous Institution (AIs) sawmpali (14) din leh siamte chu Apex Autonomous Society, Biotechnology Research and Innovation Council (BRIC) tih hnuaiah chuan hung leh huang khata phei khaite a rual zawk theih nan a thlungkhawm vek a ni.
Tichuan, Institute of Bioresources and Sustainable Development (IBSD) hi Institute sawmpali zinga pakhat leh danglam bik, North Eastern Region tana din niin, khawl changkang leh scientific technique hmanga hnim leh thlai leh thilnung dangte awmze neia ram mipuite, ei leh bara hma kan lo sawn zawk theihnan, mi dangte ṭanpui nana hman leh siamchhuah hi a tum ber a ni. IBSD hi Imphal, Manipur ah din niin Northeast ah Centre pathum - Sikkim (Gangtok ah), Meghalaya (Shillong ah) leh Mizoram (Aizawl ah) ah te din a ni bawk a ni. IBSD hian ram hmasawnnan kawng hrang hrangin hma a la nasa em em a, a bik takin thilnung hmanga natna hrang hrang enkawlna damdawi siamchhuahna lam (phytopharmaceutical mission and ethnopharmacology), ramhmul damdawi zawnchhuah leh zirchian (traditional healthcare practices-drug discovery), hnim hring leh thilnung – a lian leh té lam, mitin a hmuh theih loh (plants, microbial and animal resources) zirchian a, chumi hmanga ram chenna nuam zawk a lo nih theih nana hma lak leh hna thawh hi a ni a, a bikin kan ei tur leh in tur tui thianghlim (water quality) nana hnathawh te, ram mipuite eizawnnate hlawk zawk leh hrisel zawk duana ram leh mipui tan, a bikin NER (Northeast region) tana hmasawnna thlen hi a tum ber a ni. Kum riat liam ta aṭang khan biotech sector hi a let riat vel laiin a ṭhang a, BRIC hnuaia Institution hrang hrangte azarah ram hmasawnna leh mimal eizawnna siamchhuah thlengin (employment) nasa takin hma a la nasa hle a ni.
Department of Expenditure, Ministry of Finance, Government of India hnuaia hmalakna pakhat 'Rationalization of Autonomous Bodies' tih chu DBT-in bawhzuiin, hei hian DBT hnuaia institution hrang hrangte chu engti angin nge hma an lak a, engti angin nge hna an thawh ṭhin tih a zirchiang a, a siam ṭhat ngai leh felhlel lai te endik leh, thuamṭhat ngai lai te thuamṭhat chu a thil tum a ni. Chu chuan inrelbawlna ṭha zawk leh dik zawk leh, huapzo hmasawnna a thlen ngei beisei vang pawh a ni.
BRIC-in a hmalakna tur ṭhenkhatte chu hengte hi a ni:
• BRIC hnuaia Institution sawmpali (14) te chuan an zirchianna (research) hrang hrang an neih reng reng chu BRIC hriatpuina leh kaihhruaina zawmin, hna an thawk zel tur a ni.
• Institutes te chuan Science & Technology (S&D) hmangin khawvel harsatna a tawh hrang hrangte siamṭhat hna chu a thawk tur a ni.
• Institutes te chuan an laboratory ah researcher dangte, DBT institutes-a mite ni kher lo pawh, leh a thawhpuite tan (from industry or other institutes) Research and Development (R&D) hmasawnna tur a nih chuan an hman ve phalsak a ni ang.
• Institutions chuan technology hrang hrangte hmang ṭangkai turin mi dangte fuih phur chu a hna a ni a, techno-startups lam promote tur leh bioentrepreneurship lama tuite promote leh, an harsatna leh harsatna an tawh theihna hrang hrang lakah a venpui bawk ang.
• Ph.D program thar BRIC institutions hnuaiah common course curriculum, Regional Centre for Biotechnology (RCB), Faridabad-a an hman ang chu zawm tur a ni ang a, immersion training an tih research hypothesis (thesis work atana ṭangkai) turin field leh experimental studies te neih a ni ang. Immersion Phase (thla thum (3) vel) an tih lai hian students te chuan fellowships 'Grand Challenges India' program aṭangin an dawng bawk ang.
• Institute of Bioresources and Sustainable Development (IBSD), Biotechnology Research and Innovation Council (BRIC) kaihhruaina hnuaiah biotech research and innovation a lo ṭhan zelna atan leh, kan ram (Bharat) hmathlir (Bio-vision) te tihlawhtling tur leh a bik takin, North Eastern Region (NER) te a lo ṭhan zelna turin theihtawp chhuah tur leh ṭanpui turin a ding reng a ni tih kan inhriattir e.
- Prof. Pulok Kumar Mukherjee
Director, Institute of Bioresources and Sustainable Development
IBSD Imphal, Manipur - Regional Centres: Sikkim - Mizoram - Meghalaya