TUN HI RAMRI CHINFEL HUN....

Tun hi ramri chinfel hun chu a ni. Chhan­damna ni chu a ni thei maw le. Ramri hrula kan unaute address pawh thai luh hun ṭha a ni bawk. 

Ramri fel lo neih reng aiin fel thek kan va duh ve tawh si em. State sawrkar angin kan ei leh bar dinhmun chhiat luat avanga ṭhenawm State  Assam/ Central sawrkar kan nawr ngam zat lo/ hreh deuh a nih pawhin  state sawrkarin, 'Core Committee on Boundary issue' siam vat se. Ramri chinfel dan formula hria, awmze neia chinfel chak zek zek, lungphur phura phur... Free Service pe chak kan va tam tak em. 

State sawrkar hmalakna emaw an seal/ signature tel lovin Inter State Boundary Dispute a chinfel theih bawk si lo. Civil Society, NGO te tan chuan kan state sawrkar nawr kal bak tih theih a awm tak tak lo. 

Assam nen ramri inchuhin ground-ah nunna thapa inbeih kan ngam ta tlat mai sia le. Table-ah sawi fel vat a nih loh chuan... pawi thui zawk ang. Ar talh dan chi khat chauh a awm lo. Tuna Assam laka kan lo inhrosa let ve a, kan cho ve em em ringawt te pawh hi a va fuh tiu teu tak em. Tawngpawng hneh chhuh chi kan ni lo...tih Assam leh India hnenah kan puang dum dum te hi a thawm a va mawi em. 

Vairengte Tlangau au ri pawh chu ral khat daih aṭanga video kaltlanga lo ngaihthlak ve rikngawt pawhin  hmul thi a lo ding ur ur thei alawm le... Kulikawn phei, Aizawl aṭang daih pawhin. Central sawrkar a Inter State Boundary chinfel tura nawrna, Pressure Tactics ṭha lutuk a nih si maw le....Chung lamin a hun tak zelah, kan tana ṭhatna zawk tur zelin ro min rel sak zel dawn tihte hi i ringhlel lovang u aw. 

Pathian leh kan ram tan ti ngattu... kan MNF Sawrkar a tlanchhe thiang lo, a tawlh thiang lo bawk. Ramri buai chinfelna chance...Chunglamin min pek hi...Once n for All tia chance kan lak a ngai a ni ber mai. 

MAP: Mizoram hriat lova Assam hovin 1972 (kan UT hlim) chho va... Survey of India hmanga kan State ramri an lo thai kual ve ngawt hi kan pawm thei lo. Ground-ah 'thai dik' kan duh ve tawh a ni mai a ni. 

Map hi uluk taka i en chuan Saihapui V te, Phaisen te pawh Assam-ah min lo dahsak vang tawh asin. Hetiang Survey of India map hi kan pawm ngai dawn lo.... min rawn lo, kan hriat lohva min lo draw sak a nih avangin...