DEVELOPMENT AIA POLITIK LALRAM
April thla tir, 2024 khan ka thuziak Vanglaini leh Aizawl Post-in an chhuah a, a ham hawngin i keu law law teh ang hmiang.
April ni 15 chho velah khan UNO Permanent Forum, New York-ah hnam tenaute (Indegeneous Peoples) chanvo sawihona a awm ta ngei a, Naga-ho chu an kal a, keini erawh chuan kan lo sakuh ser nghah ve ringawt kha ṭhangtharten min la dem ngei ang.
July, 2024 khian kum dang ang bawkin Geneva-ah chutiang deuh bawk tak chu awm leh ngei tura beisei a ni a. Chutah pawha ngawi kan lo dawhsan veng veng mai chuan ṭhangtharten min dem nasa lehzual ang.
UNDRIP (UNO thupuan, 2007) kha keiniho tan chuan malsawmna rah hnuhnung ni thei tur a ni a. Rah hmasa chu , 1960-ah a rah a, hnam 55 laiin Indegeneous an nei a, tun hun hnuhnungah hian hun ṭha UNO-in a hawng leh ta a. Chu chu chuhin Pu R Thangmawia khan Geneva-ah a zu martar phah a, martar tih lemah chu em chu ni lovin, a zu thihpui anga ngaih theih a ni.
April thla tira kan pho lan tawh ang khan, a nachang hria leh mawhphurhna chelh mektuten ban kan zu phar ve si loh chuan, ṭhangtharten min la dem mawlh ang le.
UNDRIP-2007 thuchhuak ang chuan, Hnam tenaute pawhin chanvo, Self-determination kan nei thei. Chu chu chuh nachang kan hriat dan azir a ni mai. Hrechiang duh chuan ‘Golden History of Lushai Hills’ te, Mi An ve nan’te, Thliarkar Dang Ngaihdan Dek Che Tham’, tih bute lo chhiar mai rawh u. Synod leh Baptist Bookroom-ah an la awm ang.
Development aiin Politik Lalram a pawimawh hmasa zawk. A Politik Lalram hmuh hunah Development chu kan la dap zui zel ang chu maw le!
UNO kawng hawn hun hi a tawp ṭep tih i hai der lul lo ang u. Kan unaute chunga hleilenna pawh hi UNO-a thlen nachang hriat a pawimawh – kum ṭha a liam hma ngei hian.
A hun kan bawhpelh na vaih chuan ṭhangtharten min la dem dawn a ni. I sawi nawn leh teh ang, ṭhangtharten min la dem dawn a ni.
“Aw Unau, a Politik Lalram zawng hmasa la, thil dang zawng zawng chu tah chuan a awm,”.
Kal thei tur an awm phawt chuan, a dangtu ni lova a ṭawiawmtu nih I tum vek ang u.
UNO Thupuan, United Nations’ Declaration on the Rights of Indigenous Peoples, article 42-na chuan hetiangin a sawi tlat alawm:- The United Nations, its bodies, including Forum on Indigenous issues, and States, shall promote respect for and full application of the provisions of this Declaration and follow up the effectiveness of this Declaration.
Chumi awmzia chu, a tawi zawngin, ‘UNO leh a taksa pengte, Permanent Forum leh a kaihhruai dang dangte leh ram zawng zawng leh States zawng zawng-te chuan, UNO Thupuan 2007 hi tihpuitlin an tum ṭheuh tur a ni,’ a ti kiau alawm maw le!
23rd Session of the UN Permanent Forum on Indegeneous Issues. The 23rd Session of the UN Permanent Forum on Indegeneous Issues (PFII 23) will focus on the theme, ‘Enhanting Indegeneous Peoples’ Right to Self-determination in the context of the UN Declaration on the Rights of Indegeneous Peoples:Emphasizing the voices of Indegeneous Youth’. The session will discuss the six mandated areas of the Permanent Forum (economic and social development,culture,environment, education, health, and human rights), with reference to the UN Declaration on the Rights of Indegeneous Peoples (UNDRIP) and the 2030 Agenda for Sustainable Development.
The UN Economic and Social Council (ECOSOC) established the PFII in July 2000 to advise the UN system on Indegeneous Peoples’ issues.
- Dr Keihawla Sailo, Member, World Peace Institute of the UN