Kuthnathawktute pual dawr

Khawpui chang-kang Paris te, London te, Hongkong te, Tokyo leh Bangkok etc. ah te chuan kut-hnathawktute pualin Farmers Market an nei a ni. Heng ramah te hian kuthnathawk 2-5% chauh an awm a, heti chung chung hian, an pualin Farmers Market khawpui hmun pawimawh laiah an siam sak ṭhin a ni.

Aizawlah Far-mers Market mamawh-na a nasa hle. Kut-hnathawktuten Zirtawp tlaiah Inrinnia hralh turin Aizawl an rawn pan a, seat ṭha chan duh chuan tlaivarin an seat an ṭhut chilh a. Ṭhenkhat chu nau nen an lo kal a, ruah a sur pawhin thlipui a tleh pawhin an tuar tlawk tlawk mai a ni.

Kan changkang tial tial a, mahse kawngdung motor khuin a phuhna hmun leh ke a lei bal kan rahna khu karah bazaar a ngai ṭhin. Kan sawhthing, aieng, hmarcha, hmunphiah leh thlai lam chi reng reng lei a, khar chhawng duhtute chuan he lai hmun aṭang hian order an rawn pe ang a, an duhna hmunah kuthnathawktuten an deliver mai dawn a ni.

Tunlai hian kan sawrkar hian Zodin Cinema Hall hlui hman ṭangkai dan tur design turin architech-te rawtna siam turin a sawm a, a lawmawm hle. Zodin Cinema Hall hlui hi Farmers Market atan a remchang hle. A awmna hmun hi a laili a, market leh parking awmna thamin a hmun a zau tha bawk a. He hmun hi thlai thar zawrhna hmunah hmang ila, thlaithar thianghlim kan neih ve thei tawh dawn tihna a ni. Tichuan, Inrinni chauh ni lovin, kar tluanin thlai thar zuartuten thlai thar an hralh thei tawh ang a, kan VIP kuthnathawktute eizawna nasa takin a tipung dawn a ni.

Zodin Cinema Hall hlui ground floor hnuaiah hian chhawng liin parking siam ni se.

1. A hnuai lam pathum chu public parking atan nise

2. Ground floor hnuai chiah chu thlai thar phurluttute motor parking bik a tan zuah ni se.

3. Ground floor leh first floor chu market atan zuah nise.

4. Second floor chu Restaurant a tan hman nise.

5. Third floor chu farmer-te zan riak duh tan man tlawm deuh riahna tur Hotel atan zuah ni se.

6. 4th to 6th floor chu Hotel changkang zawk/ office atan ruahman ni se.

- Chalngura Jahau