Hospital an strict kan ti maw

Hospital hrang hrangah damlo an awm a, hospital-a thawktu leh security ten an mahni tlawhtu lakah strict takin an lo duty a, in tlawh hun (visiting hours) loa kal phet kan tum a, an lo phal lohin kan sawisel fo /hin.

A ni tak a, Damlo hi doctor leh nurse ten an condition a zirin tlawh luih luih phal loh an nei chawk a, chu mai bakah intlawh hun loa intlawh phei chu an phal loh bur chang a awm fo. Chutianga an khauh viau chu sawisel nan kan hmang ta /hin a ni.

Damlo hi doctor leh nurse ten dam taka enkawl a, chhuahtir an duh a. A hah pawh an hah viau reng a ni. A bik takin Civil Hospital phei chu damlo tlawhtu an tamin intithei tak leh kei ka ni intia a hun loa luh tum an awm nitin /hin. Hei hian hospital inenkawlna pawh a tih bahlah chang a awm fo.

Pathianni hi kan hunawl neih chhun a ni deuh ber a, chutah chuan damlo kan tlawh /hin. Kan han intlawh luih luih mai chu a tukah Damlo an chau ngawih ngawih /hin. Thawh/anni zingah Damlo han tlawh ila a hriat thiam theih mai awm e. Dam lote'n an tuar em em /hin a ni.

Damlo kan tlawh hian biak chi an nih leh nih loh thlu lem lo pawh kan awm nawk /hin. Biak /awng phet kan tum hian an nat dana zirin damloin a tuar em em /hin a ni.

Chuvangin damlo kan ngai pawimawh a, tlawh ve ngei kan duh anih pawhin hospital lamin intlawh a hun an siamah chauh tlawh tum i la; an awmdan a zirin biak /awng phet tum lo bawk ila a /ha ber. Kan ngaih pawimawh tak tak chuan tlawh ngei a, pawisa pek pawh a hlu viau. Mahse damlo condition mawlh kan ngaihtuah a ngai a ni.

Hospital security an strict tia kan sawi zui fo hi ngaihtuah ve a ngai. An mahni lam a/ang chuan damlo ngaihtuah leh hunbi ngaihtuah chuan a awm ve ving veng viau lo maw?

- Lal Rinmawia