Private school vs Government school
Zirna in ṭhat leh ṭhat loh lam a ni lo mahni kan pawimawh ber tih kha primary kan kal tirh aṭanga higher thlenga kan zirtirtute min hrilh dan a ni a, a dik viauin tun hnu hian ka hria.
Tuna sawrkar hna thawk peon aṭanga officer thleng hian a tam zawk hi private zirna in aṭanga zir chhuak aiin sawrkar zirna in aṭanga in zir chhuak an tam zawk ngei ang.
Mi tuemaw hi khawvela zirna in ṭha berah pawh zir mahse amahin a zir miau loh chuan amahah thiamna tak tak a awm thei ngai dawn lo a, amahah thiamna tak tak (quality) a awm miau loh chuan tuman engah mah an ngai chuang lo ang.
Chutiang bawkin zirna in hmun ṭha ni lem lo aṭangin mi tu emaw hi lo pass chhuak ve se, amah chu inzir peih tak mi a nih tlat chuan zirna hmun ṭha ber aṭanga zir chhuak aiin zirna hmun chhe ber aṭanga zir chhuak thiamna chu a chenfakawm zawk fo ang. Thiamna tak tak (quality) hi chu zirna in ina a zir leh zir loh lam a ni lova, a zirtuin a zir leh zir loh a ni zawk e.
Pawl sawm (HSLC) leh pawl sawmpahnih (HSSLC) result a chhuak tawh a, June thla velah college result a chhuak leh ang. Chung hunah chuan nu leh pa tam takin an chhungkaw dinhmun leh budget-in a tlin lo chungin an fa te, zirna in ṭha ber ber nia an hriatah kal tir leh phet an tum ang. Chung hunah chuan private zirna ina luh an thlang leh hlawmin a rinawm.
Private sikulin zirlai naupang tam tak an neih laiin sawrkar zirna in tam takah chuan zirlai naupang tlemte chauh an awm leh ang. Admission tih hunah hian pawl 10, 12 leh college a an result hmanga merit list hmanga admission pek hi awm tawh lo ta se a ṭha hlein a rinawm. Written test a an tih ṭhat dan hmang ngeia admission hi pek ni ta se kan zirna in te pawh hian hma an sawn zawk ngei ang.
Tunah hian Mizo nu leh pa tam tak hian private school hi sawrkar school aiin a ṭha zawk niin kan ngai deuh vek tawh niin alang. Chutih rual erawh chuan private school nge sawrkar school hi ṭha zawk tih erawh kan ngaihtuah fo a ṭha ang.
Private nge go-vern-ment school ṭha zawk tih hi lo zir chiang ve mai mai teh. Thuthlukna chu nangmahah a awm e.
- Nawlchunga Chinjah, Siaha