Pawl 12 ka zo, engnge ka tih tak ang?
Phai rama nu leh pa tam takin an fate an buaipui dan ka hmuh hian ka rilru a hneh ṭhin. Hetiang hi kan zoramah hian awm ve se ka ti. Pawl 12 result a lo chhuak a, eng nge zir chhunzawm tur tiin rilru kan seng leh ta. Nu leh pa te'n kan ngaihtuah pui a ṭul hle.
Pawl 12 zawhah hian zir tur tam tak a awm - B.Sc, B.Com, BBA, BCA, BDS, MBBS, Engineering te hi kan hriat lar an ni awm e. Kan la hriat lar loh tam tak a la awm bawk. Ka han tarlan duh ber chu 3 in 1 degree course, B.Sc in Airlines, tourism & hospitality Management a ni. Ram ṭhang chho zelah tourism pawh a
ṭhang ve zel. Ram pawna zin chhuak kan pun chhoh zel avangin he course hian scope a nei ṭha hle.
Kum 2014 a India rama tourism dinhmun: India rama foreign tourist lo lut zat : 7.68 million. Kum tina a pun chhohna: 10.2%. India mi ram danga zin chhuak: 18.33 million. Kum tina a punna: 10.3%. Ram chhung mi state dang tlawha zinkual : 1282 million. Kum tina a pun dan : 11.9%. Foreign exchange aṭanga sum lakluh zat: 123320 crore. Kum tina a pun dan: 14.5%. Airlines & tourism industry a hnathawk zat: 5million.
Kum tin mi maktaduai tel ram chhung leh rampawnah kan zin veivak a, tourist pawh an pung chho zel. Ram chhung-ah hotel leh airlines-ah mamawhna a sang a, hna pawh a pung chho zel. Tunlaiah alternative tou-rism a lar hle a, chung zinga ṭhenkhat chu kan state ngeiah pawh promote ila kan hlawkpui hlein a rinawm.
Adventure tourism, rural tourism, eco tourism, cultural tourism, agri tourism- te hi kan state nen a inhmehin hma kan lak chuan sum tam tak hailuh theihna tur a ni. Hetiang lam hawi zawnga kan rilru kan sen pawh a pawimawh. Hmasawn tur chuan tourism lama mithiam, degree nei kan mamawh a, chuvangin ṭhangtharte hian tourism subject-te hi i zir uar ang u.
Airlines & tourism course hi tunge pe chhuak:- He course hi IK Gujral Punjab Technical University chauhin a pe chhuak a, kum 3 course niin Jalandhar-ah zir theih a ni. Kum 2 leh a chanve hi Jalandhar-ah zir tur niin a bak kum chanve chu Delhi, Bangalore emaw, metropolitan city dangah training tur a ni.
Zir thei chin:- 10+2 pass (Arts, Science, Commerce) tribal tan 40% leh general tan 50% hmu chin tan zir theih ani. He course zir tur hian commu-nication skill neih ṭhat a ngai.
Zir zawh a hna awm theite:- Cabin crew, travel writer, city officer, baggage handler, ticketing executive, tour operator, tour manager, front office assistant, house keeping assistant, tourist officer, flight steward, airlines maintenance staff, tour planner, transport co ordinator, HR Manager, lecturer etc.
Course scope leh Mizo-ram:- He course zir zawh hian phai lamah chuan hna tam tak a awm a, mahse Mizoramah hna thawh tur a awm ang em? Mizoramah hotel changkang kan nei ṭan tawh a. Ram ṭhang chho zelah Tourism department leh kan airport-te hi tihlen a la ngai ngei dawn. Hetiang a nih chhoh zel chuan tun aṭanga hun rei lo teah airlines, tourism & hospitality sector-ah hian Mizoramah hna tam tak a la awm beisei a ni.
BA leh B.Sc ATHM dang-lamna:- BA hi general course niin zir chhuak an tam tawh hle a, B.Sc ATHM hi professional course niin Mizo zingah phei chuan zir chhuak an la tam lo, zir mek erawh an ṭhahnem ve ṭan. Hre chiang duhte chu puih ka inhuam e.
- Laltanpuii
Asst. Professor, Punjab
Phone - 9774184433