Good Friday-a thisen pek

Hmanni chu Upa Bony Lalrindika office bang a lo leng lut a. Good Friday denchhena thisen pek a rilruk thu a rawn sawi a. A tih chi ang em? tiin min rawn der a. Kei chuan a tih chi khawp ang chu ka lo ti liam mai a. A haw hnu chuan ka ngaihtuah zui ta zel a.

Tun hnaiah Valen-tines Day den-chhena ṭhalai tam takin thisen an pek thu TV news-ah leh nitin chanchinbuah kan lo hmu a. A ngaih-nawmin a hlu hle mai a. Isua Kristan khawvel a hmangaih em avanga kan tan thisen chhuaka thih thlenga a tuarna hun kan hriatrengna ni bik Good Friday denchhenin keinin a mamawhtute tana ṭhalai rualten damlo mangangte nun chhan nan thisen pek runpui siamin han pe ta ruih ruih mai ila a va ropui dawn em.

Ka inleng Upa chuan he ka thil tum hi a duh apiangten min zawm ve se ka duh a. A sawina kha a rei leh deuh tawh a, Whatsapp-ah ka theh darh a, tun thleng chuan tuman min la uksak rih lo a tih khan ka rilru a deng na hle a ni.

Kum 1964 khan America ram Pre-sident J.F. Kene-dy chu rawng taka kahhlum a ni a. JF Kenedy thih thu chuan khawvel a deng chhuak nghal a, khawvel a nghawr nghing nasa hle mai.

Lei leh van lal ber Pathian fapa Lal Isuan khawvel a hmangaih vanga kross lera thisen chhuaka thih thlenga a tuarna khan vawi-ina Zorama kristian ṭhalai pawl hrang hrangte thinlung hi han nghawr nghing leh sela.

Good Friday den-chhen hian thi-sen pek dan han rua-hman sup sup mai sela, chanchinthar ngaihnawm leh ropui tak a va ni dawn em!

- Rev. Chawnghranga,

Ramhlun Vengthar