Mei-Khu-Chhuah Ring Chi Mawlh Hi

Aizawl Traffic Police thuneitute chuan kum hmasa lam aṭang tawhin lirthei, a bikin two wheeler-a a mei-khu-chhuah (exhaust pipe) ri ring chi vuah phal a nih loh thu an puang a, mei-khu-chhuah ring chi vuah tam tham tak an man zui nghe nghe niin a lang. A lawmawm viau mai.

Mahse, tun thlengin an la tirêm lo a, khawlai lûn laiah hmuh leh hriat tur a la awm reng. Two wheeler (a bikin bike) hoin mei-khu-chhuaha a ri ring chi an vuah, sawrkarin (traffic police)-in an tirèm thei lo hi a mak ngawt mai; a hmangtute hi an inthukru a ni bawk si lo a, thil harsa tur chu a ni lo. Ka thuneihna chu ni se, thla 2 chhung chuan ka va han tirêm dawn chiang tak.

Kan traffic police-te hi motor tlan loh nia tlan chhuak an hmu thei em em a, an man chat chat zel. Tlan loh nia tlan chhuak aiin two wheeler-a mei-khu-chhuah ri ring chi vuah khawlaia tlan chhuak hi, hmuh leh hriat a awl daih zawk dawn tih a chiang. Kan traffic police-te u, han ṭang mar leh mawlh teh u.

- Joseph Nuntluanga